புதுடெல்லி: காங்கிரஸ் மூத்த தலைவர் சோனியா காந்தி, இன்ஸ்டாகிராமில் இணைந்து தனது பயணத்தை தொடங்கியுள்ளார்.
அதில், தான் எழுதிய பிலாங்கிங்: எ ஜர்னி ஆப் லவ் என்ற புத்தகத்தின் முதல் பார்வையை அவர் வெளியிட்டார். ஹார்பர்காலின்ஸ் நிறுவனம் இப்புத்தகத்தை வெளியிடுகிறது. வரும் நவம்பர் 10-ம் தேதி புத்தகம் வெளியாகும் என எதிர்பார்க்கப்படுகிறது.
சோனியா காந்தி தனது இன்ஸ்டாகிராம் பதிவில், “அனைவருக்கும் வணக்கம். இந்த தருணத்தை உங்களுடன் பகிர்ந்துகொள்வதில் நான் மிகுந்த மகிழ்ச்சியடைகிறேன். இதோ, எ ஜர்னி ஆப் லவ் என்ற புத்தகத்தின் முதல் பார்வை.
இது அன்பு, கடமை, இழப்பு மற்றும் தனக்கான இடத்தைக் கண்டறிதல் குறித்த கதை. இதை உங்களுடன் பகிர்ந்துகொள்ள ஆவலாக உள்ளேன்.” என தெரிவித்துள்ளார்.
மேலும், அந்த புத்தகத்தில் பிரியங்கா காந்தியின் சிறு வயது புகைப்படங்கள் உட்பட ஏராளமான புகைப்படங்கள் உள்ளதை அவர் சுட்டிக்காட்டினார். சோனியா காந்திக்கு பிரியங்கா காந்தி இனிப்பு ஊட்டி தனது மகிழ்ச்சியை வெளிப்படுத்தினார்.
முன்னதாக இந்த புத்தகத்தை PHRI நிறுவனம் வெளியிடுவதாக இருந்தது. எனினும், கருத்து வேறுபாடுகள் காரணமாக அந்த நிறுவனம் இந்த பணியில் இருந்து விலகிக்கொண்டது.