பாட்னா: பிஹாரில் கிழக்கு மத்திய ரயில்வேயின் சோன்பூர் கோட்டத்தின் கீழ் இயக்கப்படும் ஜன்சேவா எக்ஸ்பிரஸ் ரயில், சாப்ரா ரயில் நிலையத்தில் இருந்து நேற்று புறப்பட்டது. அப்போது, பொதுப் பெட்டியில் ஏறிய ஒரு கும்பல் பாம்புகளைக் காட்டி பயணிகளிடம் பணம் கேட்டனர்.
இதுதொடர்பாக, பயணிகள் சிலர் அளி்த்த புகாரின் பேரில், ரயில்வே பாதுகாப்புப் படை போலீஸார் ரயிலின் பொதுப் பெட்டிகளில் சோதனை நடத்தினர். அப்போது, 6 பேர் பாம்புகளைக் காட்டி பயணிகளிடம் பணம் பறித்தது தெரிய வந்தது. இதையடுத்து, 6 பேரும் கைது செய்யப்பட்டனர்.