புதுடெல்லி: கருப்பை வாய் புற்றுநோயை தடுக்க நாடு தழுவிய எச்பிவி தடுப்பூசி இயக்கத்தை தொடங்க மத்திய அரசு திட்டமிட்டுள்ளது.
கருப்பை வாய் புற்றுநோயைத் தடுக்கும் ஒரு முக்கிய முயற்சியாக, 14 வயது மற்றும் அதற்கு மேற்பட்ட வயதுடைய சிறுமிகளுக்கான நாடு தழுவிய ஹியூமன் பாப்பிலோமா வைரஸ் (எச்பிவி) தடுப்பூசி பிரச்சாரத்தை மத்திய அரசு விரைவில் தொடங்க உள்ளது. இதன்படி கார்டசில் தடுப்பூசி இலவசமாக வழங்கப்படும்.
இந்தத் தன்னார்வத் திட்டம் வரும் வாரங்களில் நாடு முழுவதும் செயல்படுத்தப்பட உள்ளது. உயிருக்கு ஆபத்தான இந்த நோய்க்கான எதிர்ப்புச் சக்தியை அனைவருக்கும் சமமாக விரிவுபடுத்துவது, பெண்களைப் பாதிக்கும் பொதுவான புற்றுநோய்களில் ஒன்றான இதற்கு எதிரான இந்தியாவின் போராட்டத்தை வலுப்படுத்துவது ஆகியவைதான் இந்த திட்டத்தின் நோக்கம்.
இந்தத் திட்டத்தின் கீழ் வழங்கப்படும் நான்கு வகைப்பாடுகளைக் கொண்ட எச்பிவி தடுப்பூசி, கருப்பை வாய் புற்றுநோய்க்கு முக்கிய காரணமான எச்பிவி வகைகள் 16 மற்றும் 18, அத்துடன் 6 மற்றும் 11 ஆகிய வகைகளிலிருந்தும் பாதுகாப்பளிக்கும் என்று அதிகாரிகள் தெரிவித்தனர்.