இந்தியா

ஏழு ஆண்டுகளில் 161 வெளிநாட்டுப் பயணங்கள் மேற்கொண்டேன்: வெளியுறவுத் துறை அமைச்சர் ஜெய்சங்கர் தகவல்

ஆர்.ஷபிமுன்னா

புதுடெல்லி: கடந்த ஏழு ஆண்​டுகளில் 161 வெளி​நாட்​டுப் பயணங்களை மேற்​கொண்​டுள்​ள​தாக வெளியுறவுத் துறை அமைச்சர் எஸ்.ஜெய்சங்கர் தெரிவித்துள்ளார்.

ஆங்​கில நாளேடு சார்​பில் டெல்​லி​யில் நடை​பெற்ற நிகழ்ச்சி ஒன்றில் கலந்து கொண்ட மத்​திய வெளி​யுறவுத்​துறை அமைச்​சர் எஸ்.ஜெய்​சங்​கர் பேசிய​தாவது: வெளி​யுறவுத்​ துறை அமைச்​சராக ஏழு நீண்ட மற்​றும் சவாலான ஆண்​டுகளைக் கடந்த பிறகும், என்னால் முழு​மையான புத்​துணர்ச்​சி​யுடனும் ஆரோக்கியத்துடனும் இருக்க முடி​கிறது.

வெளி​யுறவுத்​துறை அமைச்​சருக்கு ஒவ்​வொரு நாளும் முற்​றி​லும் மாறு​பட்​ட​தாகவே இருக்​கும். பெரும்பாலும் தினமும் புதிய இடங்​களில் இருக்க வேண்​டிய சூழல் நில​வும்.

2019-ல் அமைச்​சராகப் பதவி​யேற்றது முதல் இது​வரை 161 வெளிநாட்​டுப் பயணங்​களை மேற்​கொண்​டுள்​ளேன். இதில் 2026-ம் ஆண்​டில் மட்​டும் செய்த 23 பயணங்​களும் அடங்​கும். வெவ்​வேறு கால மண்​டலங்​களுக்கு இடையே தொடர்ச்​சி​யாக பயணம் மேற்கொள்ள வேண்​டி​யிருப்​ப​தால், வழக்​க​மான 24 மணிநேர கால அட்​ட​வணை​யைப் பின்​பற்​று​வதோ அல்​லது தொடர்ந்து ஏழு மணிநேரம் தூங்​கு​வதோ சாத்​தி​யமற்​றதாகிறது.

இத​னால் சூழலுக்கு ஏற்ப எனது பணி அட்​ட​வணை​யைத் தொடர்ந்து மாற்​றியமைத்​துக் கொள்​கிறேன். அதுவே எனது வாழ்க்கை முறை​யின் ஒரு பகுதி​யாக மாறி​விட்​டது. வெளி​நாட்டுப் பயணங்​களை நிர்​வகிப்​பது மட்​டுமின்றி, முக்​கிய​மான தொலைபேசி அழைப்​பு​களுக்​காக நள்​ளிர​வில் விழித்​திருந்து பேசிவிட்டு தூங்க முயற்​சிக்​கும் சூழலும் ஏற்​படு​கிறது.

உலக நிகழ்வு​களைக் கூர்ந்து கவனிப்​ப​தோடு, அமைச்​சராக உள்நாட்டுப் பொறுப்​பு​களை​யும் நிறைவேற்ற வேண்​டியுள்​ளது. இத்​தகைய பணிச்​சுமை​களுக்கு இடையே உடல் ஆரோக்கியத்தைப் பேணவும் மனதை அமைதி​யாக வைத்திருக்கவும் நான் தொடர்ந்து யோகா பயிற்சி செய்​கிறேன்; அவ்​வப்​போது இசை கேட்​கிறேன்; திரைப்​படங்​களைப் பார்க்​கவும் புத்​தகங்​களைப் படிக்​கவும் முயற்சி செய்​கிறேன். மற்​றவர்​கள் செய்​யும் சாதா​ரண விஷயங்​களைத்​தான் நானும் செய்​கிறேன். இவ்​வாறு அவர் கூறினார்.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT