இ20 பெட்ரோலுக்கு எதிர்ப்பு தெரிவித்து பிரதமர் இல்லம் நோக்கி அர்விந்த் கேஜ்ரிவால் பேரணி

புதுடெல்லி: எத்​த​னால் கலந்த இ20 பெட்​ரோலுக்கு எதிர்ப்பு தெரி​வித்​து, பிரதமர் இல்​லம் நோக்கி ஆம் ஆத்மி கட்​சி​யின் தேசிய ஒருங்​கிணைப்​பாளர் அர்​விந்த் கேஜ்ரி​வால் தலை​மை​யில் கட்​சித் தொண்​டர்​கள் நேற்று பேரணி நடத்​தினர்.

பெட்​ரோலில் 20 சதவீதம் அளவுக்கு எத்​த​னால் கலந்து இ20 என விற்​பனை செய்​வதைத் தடுக்க வேண்​டும் என்று கோரி டெல்​லி​யில் நேற்று பிரதமர் மோடி​யின் இல்​லம் நோக்கி ஆம் ஆத்​மி​யின் தேசிய ஒருங்​கிணைப்​பாளர் அர்​விந்த் கேஜ்ரி​வால், டெல்லி முன்​னாள் துணை முதல்​வர் மனீஷ் சிசோடி​யா, கட்​சி​யின் பிற தலை​வர்​கள், தொண்​டர்​கள் இணைந்து பேரணி​யாகச் சென்​ற​னர்.

அப்​போது நடு​வழி​யில் அவர்​களைப் போலீ​ஸார் தடுத்து நிறுத்​தினர். இதையடுத்து அவர்​கள் சாலை​யோரம் அமர்ந்து தர்​ணா​வில் ஈடு​பட்​டனர். அப்​போது செய்​தி​யாளர்​களிடம் அர்​விந்த் கேஜ்ரி​வால் கூறிய​தாவது: இ20 பெட்​ரோல் விவ​காரத்​தில் அமெரிக்க அதிபர் ட்ரம்ப்​பின் தலை​யீடு உள்​ளது.

அமெரிக்க அதிபர் டொனால்டு ட்ரம்ப்​பின் நெருக்​கடிக்​குப் பயந்து பிரதமர் மோடி செயல்பட கூடாது என்று நான் கூறிக் கொள்ள விரும்​பு​கிறேன். அமெரிக்​கா​விடம் இருந்து எத்​த​னால் வாங்​கு​வது நிறுத்​தப்பட வேண்​டும். நம்​முடைய நாட்​டில், எத்​த​னால் கலப்பு பெட்​ரோல் திணிப்பை நிறுத்​து​வதற்​கான ஏற்​பாடு​களைப் பிரதமர் மோடி செய்ய வேண்​டும்.

இந்த விவ​காரத்​தில் பிரதமர் மோடி எங்​களை அழைத்து பேசு​வார் என நம்​பு​கிறேன். அவரைச் சந்​திக்க வேண்​டும் என்று நாங்​கள் தகவல் அனுப்பி இருக்​கி​றோம். அது​வரை எங்​கள் போராட்​டம் தொடரும். இ20 பெட்​ரோல் பயன்​படுத்​து​வ​தால் பல பிரச்​சினை​கள் ஏற்​படு​கின்​றன. இதுதொடர்​பாக கோடிக்​கணக்​கான வாகன உரிமை​யாளர்​கள் கவலை தெரி​வித்து வரு​கின்​ற​னர்.

இ20 பெட்​ரோலை பயன்​படுத்​து​வ​தால் பிரச்​சினை வரு​கிறது என்று பொது​மக்​கள் கூறிய போதும், அந்த பெட்​ரோலைப் பயன்​படுத்த வேண்​டும் என்று மத்​திய அரசு கூறு​வது ஏன்? சாதாரண பெட்​ரோல் அல்​லது இ20 பெட்​ரோல் இவற்​றில் எதை வாங்​கு​வது என்​ப​தற்​கான வாய்ப்​பைப் பெட்​ரோல் நிலை​யங்​களில் நுகர்​வோருக்கு வழங்க வேண்​டும். இதைத்​தான் நாங்​கள் கேட்​கி​றோம். மேலும், இ20 பெட்​ரோல் விலை​யைக் குறைக்க வேண்​டும். இவ்​வாறு கேஜ்ரி​வால் கூறி​னார்​.