லக்னோ: உத்தர பிரதேசத்தில் வாக்காளர் பட்டியல் சிறப்பு தீவிர திருத்தப் பணிக்குப் பிறகு வரைவு வாக்காளர் பட்டியல் நேற்று வெளியிடப்பட்டது. முன்னதாக அந்த பட்டியலில் 15.44 கோடி வாக்காளர்கள் இருந்த நிலையில் தற்போது 12.55 கோடி வாக்காளர்கள் இடம்பெற்றுள்ளனர். இதன் மூலம் 2.89 கோடி வாக்காளர்கள் நீக்கப்பட்டுள்ளனர்.
இதுகுறித்து மாநில தலைமை தேர்தல் அதிகாரி நவதீப் ரின்வா கூறும்போது, ”வரைவு வாக்காளர் பட்டியலில் இறப்பு, நிரந்தர இடம்பெயர்வு, பலமுறை பதிவு செய்தல் போன்ற காரணங்களால் 2 கோடிக்கும் அதிகமான வாக்காளர்கள் நீக்கப்பட்டுள்ளனர். இது, மொத்த வாக்காளர் எண்ணிக்கையில் 18.7% ஆகும்” என்றார்.