சுதா கொங்கரா இயக்கத்தில் சிவகார்த்திகேயன் நடித்துள்ள ‘பராசக்தி’ படம் பொங்கலுக்கு வெளியாக இருக்கிறது. இதையடுத்து அவர் வெங்கட் பிரபு இயக்கும் படத்தில் நடிக்க இருக்கிறார். இதில் அவர் வித்தியாசமான தோற்றத்தில் நடிக்க இருப்பதாகக் கூறப்படுகிறது.
இதற்காகப் படக்குழு தற்போது அமெரிக்கா சென்றுள்ளது. அங்கு அவருக்கு டீ-ஏஜிங் தோற்றத்தை வடிவமைக் கின்றனர். வெங்கட் பிரபு இயக்கத்தில் விஜய் நடித்த ‘கோட்’ படத்திலும் விஜய்யின் டீ-ஏஜிங் லுக்கை அமெரிக்காவில் தான் வடிவமைத்தனர்.
அதே இடத்துக்கு, சிவகார்த்திகேயனின் தோற்றத்தை ஸ்கேன் செய்ய இப்போது சென்றுள்ளார். அதனால் இது சயின்ஸ் பிக் ஷன் மற்றும் டைம் ட்ராவல் கதையை கொண்ட படமாக இருக்கும் என்று கூறி வருகின்றனர். அதை தற்போது வெங்கட் பிரபுவும் உறுதி செய்துள்ளார்.
தனது இன்ஸ்டா கிராம் பக்கத்தில் சிவகார்த்திகேயன் அமெரிக்க ஸ்டூடியோ ஒன்றில் நிற்கும் புகைப்படத்தைப் பதிவிட்டுள்ள அவர், ‘எதிர்காலம் இங்கே’ என்று கேப்ஷன் கொடுத்துள்ளார். இதையடுத்து டைம் டிராவல் கதை உறுதிதான் என்றும் பொங்கலுக்குப் பிறகு இதன் படப்பிடிப்பு தொடங்கும் என்றும் கூறி வருகின்றனர்.