நடிகர் சூரி
சூரி நாயகனாக நடித்துள்ள ‘மண்டாடி’ படத்தை மதிமாறன் புகழேந்தி இயக்கியுள்ளார். இதில், சுஹாஸ், மஹிமா நம்பியார், சத்யராஜ், ரவீந்திரா விஜய், மிதுன், பாலசரவணன் உள்ளிட்டோர் நடித்துள்ளனர்.
ஆர்.எஸ்.இன்ஃபோடெயின்மென்ட் சார்பில் எல்ரெட் குமார் தயாரித்துள்ள இந்தப் படத்துக்கு ஜி.வி.பிரகாஷ் குமார் இசையமைத்துள்ளார். எஸ்.ஆர்.கதிர் ஒளிப்பதிவு செய்துள்ளார். கடலின் பிரமாண்டமான பின்னணியில், பரபரப்பான படகுப் பந்தய உலகத்தை மையமாகக் கொண்டு உருவாகியுள்ள இப்படம், செப். 10-ல் வெளியாகிறது.
இதற்கிடையே இப்படத்துக்காக வெளியிடப்பட்ட புரமோ பாடல் வரவேற்பைப் பெற்றுள்ளது. ஜி.வி.பிரகாஷ் குமார் இசையில், வேல்முருகன், வாகீசன் ஆகியோரின் குரலில் உருவாகியுள்ள இப்பாடல், கதையின் கரடுமுரடான களத்தையும், ஆக் ஷன் உத்வேகத்தையும் பிரதிபலிக்கிறது.
இப்பாடலின் தமிழ் யூடியூப் பதிப்பு 10 மில்லியனுக்கும் அதிகமான பார்வைகளைக் கடந்து சாதனை படைத்துள்ளது. தமிழ், தெலுங்கு, இந்தி உள்பட 5 மொழிகளில் ஒரே நேரத்தில் வெளியான இப்பாடல், அனைத்து மொழிகளிலும் வரவேற்பைப் பெற்று வருகிறது.