நடிகை அஹானா கிருஷ்ணா - ஒளிப்பதிவாளர் நிமிஷ் ரவி திருமணம் திருவனந்தபுரத்தில் நடைபெற்றது. ஞான் ஸ்டீவ் லோபஸ், லூக்கா, பதினெட்டாம் படி, லோகா சாப்டர் 1: சந்திரா உள்பட சில மலையாளப் படங்களில் நடித்திருப்பவர் அஹானா கிருஷ்ணா.
இவரும் ஒளிப்பதிவாளர் நிமிஷ் ரவியும் காதலித்து வந்தனர். கிங் ஆஃப் கோதா, லக்கி பாஸ்கர், லோகா சாப்டர் 1: சந்திரா, விஸ்வநாத் அண்ட் சன்ஸ் உள்பட பல படங்களுக்கு ஒளிப்பதிவு செய்துள்ளார் நிமிஷ் ரவி. இவர்கள் திருமணம் திருவனந்தபுரத்தில் நடைபெற்றது.
வரவேற்பு நிகழ்ச்சி நேற்று முன்தினம் நடைபெற்றது. இதில் நடிகர் ரிஷப் ஷெட்டி, துல்கர் சல்மான் உள்பட ஏராளமான திரையுலகினர் கலந்துகொண்டு மணமக்களை வாழ்த்தினர். திருமணப் புகைப்படங்களைப் பகிர்ந்துள்ள அஹானா கிருஷ்ணா, நிமிஷ் ரவியைத் தனது 20-வது வயதில் சந்தித்ததாகவும் 10 வருடங்கள் காதலித்து 30-வது வயதில் திருமணம் செய்து கொண்டதாகவும் பதிவிட்டுள்ளார்.