நடிகை பிரியங்கா மோகன் 1970-களில் நடப்பது போன்ற ஃபேன்டஸி கதையில் நடிக்கிறார்.
கன்னட சினிமாவில் அறிமுகமான பிரியங்கா மோகன், தமிழில் ‘டாக்டர்’, ‘டான்’, ‘எதற்கும் துணிந்தவன்’, ‘கேப்டன் மில்லர்’ ஆகிய படங்களில் நடித்துள்ளார். இவர், இப்போது கன்னடத்தில் மீண்டும் நடிக்கிறார்.
‘666 ஆப்பரேஷன் ட்ரீம் தியேட்டர்’ என்ற தலைப்பைக் கொண்ட இப்படத்தை ஹேமந்த் எம் ராவ் இயக்குகிறார். வைஷக் ஜே பிலிம்ஸ் தயாரிக்கும் இதில் சிவ ராஜ்குமார், டாலி தனஞ்சயா இணைந்து நடிக்கின்றனர். இது, 70-களின் காலகட்டத்தை மையப்படுத்தி, ரெட்ரோ ஸ்டைல் ஃபேன்டஸி படமாக உருவாகிறது.
இதில் பிரியங்கா மோகன் நடிக்கும் கதாபாத்திரத்தின் முதல் தோற்றம் வெளியாகியுள்ளது. இந்தப் படத்தில் முற்றிலும் மாறுபட்ட, வலுவான கதாபாத்திரத்தில் அவர் நடிக்க இருப்பதாகப் படக்குழுத் தெரிவித்துள்ளது.