ஹனி ரோஸ் தற்போது ‘ரேச்சல்’ என்ற திரைப்படத்தில் நடித்திருக்கிறார். ஆனந்தினி பாலா இயக்குநராக அறிமுகமாகும் இப்படத்தில், ராதிகா ராதாகிருஷ்ணன், பாபுராஜ், சந்து சலீம்குமார், ஜாபர் இடுக்கி, வினீத் தட்டில், ரோஷன் பஷீர் ஆகியோர் முக்கிய கதாபாத்திரங்களில் நடித்துள்ளனர்.
இதில் ஹனிரோஸ் மாட்டிறைச்சி வெட்டுபவராக நடித்திருக்கிறார். மலையாளத்தில் உருவாகியுள்ள இப்படம் தமிழ், தெலுங்கு, கன்னடம், இந்தி மொழிகளில் டிச.12-ம் தேதி வெளியாவதாக இருந்தது. இந்நிலையில் இதன் வெளியீட்டைப் படக்குழு தள்ளி வைத்துள்ளது.
இதுபற்றி படக்குழு வெளியிட்டுள்ள செய்தியில், “சரியான நேரம் மற்றும் ஒட்டுமொத்த ரிலீஸ் சூழலைக் கருத்தில் கொண்டு, பார்வையாளர்களுக்குச் சிறந்த அனுபவத்தை வழங்குவதை உறுதிசெய்வதற்காக வெளியீட்டுத் தேதியை மாற்றி வைத்துள்ளோம்” என்று தெரிவித்துள்ளது.