ஏஞ்​சலினா ஜோலி​யுடன் நடிக்கிறார் பிரி​யங்கா

ராஜ மவுலி இயக்​கும் ‘வாரணாசி’ மூலம் 7 ஆண்​டு​களுக்​குப் பிறகு இந்​திய சினி​மாவுக்கு திரும்பி இருக்​கிறார், பிரி​யங்கா சோப்​ரா. இதில் மகேஷ் ​பாபு, பிருத்​வி ​ராஜ் முக்​கிய கதா பாத்​திரங்​களில் நடிக்​கின்​றனர்.

இதை அடுத்து மீரா நாயர் இயக்​கும் ‘அம்​ரி’ உள்பட சில படங்களில் பிரி​யங்கா நடித்து வரு​கிறார். இந்​நிலை​யில் ஹாலிவுட் நடிகை ஏஞ்​சலினா ஜோலி​யுடன் இணைந்து பணியாற்ற இருப்​பதை அவர் உறு​திப்​படுத்​தி​யுள்​ளார். சமீபத்​தில் அளித்த பேட்​டி​யில், தன்னை ஊக்​கப்​படுத்​திய நடிகைகள் குறித்து பேசிய பிரி​யங்​கா, ஏஞ்​சலினா ஜோலி, பெனிலோப் குரூஸ், சல்மா ஹயெக் ஆகியோரின் பெயர்​களைக் குறிப்​பிட்டார்.

ஏஞ்​சலி​னா​வுடன் இணைந்து ஒரு படத்​தில் பணி​யாற்ற இருப்பதையும் உறுதி செய்​தார். ஆனால், “இப்​போது அதைப் பற்றி எதை​யும் சொல்ல இயலாது” என்​றும் அவர் கூறி​யுள்​ளார். அது திரைப் ​பட​மா, வெப் தொடரா என்​பது குறித்து அவர் எந்த விவரத்​தை​யும் வெளி​யிட​வில்​லை.