சிகரத்தை அடைய சிறகுகள் தேவை யில்லை, சிதறாத கவனமே போதும் என்ற வரிகளுக்கு ஏற்ப எப்போதும் சிந்தித்து செயல்படும் விருச்சிக ராசிக்காரர்களே!
குரு பகவான், ஜூன் 2 முதல் உங்கள் ராசிக்கு 9-ம் இடத்தில் வந்து அமர்ந்து பலன் தரப்போகிறார். இதுவரை எந்த நிகழ்ச்சிகளிலும் கலந்து கொள்ளாமல் ஒதுங்கியிருந்த நீங்கள், இனி வெளிச்சத்துக்கு வருவீர்கள். வெளிவட்டாரத்தில் மதிப்பு, மரியாதை கூடும். எதிர் பார்த்த வகையில் உதவி கிடைக்கும். குடும்பத்தில் மகிழ்ச்சி பொங்கும். பிரிந்த தம்பதி ஒன்று சேர்வார்கள். பணப் புழக்கம் அதிகரிக்கும். இதனால் நெடுநாளாக வாங்க நினைத்த எலக்ட் ரானிக் பொருட்களை வாங்குவீர்கள். பழைய நண்பர்கள், உறவினர்கள் தேடி வருவார்கள். மகளின் திருமணத்தை ஊரே மெச்சும் படி நடத்தி முடிப்பீர்கள். மகனுக்கும் நல்ல நிறுவனத்தில் பணி கிடைக்கும்.
எதிர்பாராத பணவரவு உண்டு. சொந்த ஊர் நிகழ்ச்சி களில் தலைமை தாங்குவீர்கள். அப்பாவின் உடல்நிலை சீராகும். அவரிடம் இருந்து வந்த கருத்து வேறுபாடுகள் மறையும். சிலர் வாடகை வீட்டில் இருந்து சொந்த வீட்டுக்கு மாறுவார்கள். அதற்கு கடன் உதவி கிடைக்கும். இழுபறியாக இருந்த வழக்குகளில் சாதகமான தீர்ப்பு கிடைக்கும்.
குரு பகவானின் பார்வை பலன்கள்:
குரு பகவான் உங்கள் ராசியைப் பார்ப்பதால், கையில் பணம் புரளும். எதிர்காலத்துக்காக சேமிக்கவும் செய்வீர்கள். குடும்பத்தில் கலகலப்பான சூழல் ஏற்படும். கணவன் மனைவிக்குள் மனம் விட்டுப் பேசுவீர்கள். தன்னம்பிக் கையுடன் சில வேலைகளை முடிப்பீர்கள். ஆரோக்கியம் மிகச்சிறப்பாக அமையும்.
`குரு பகவான் 3-ம் இடத்தைப் பார்ப்பதால், புது எண்ணங்கள் மனதில் தோன்றும். பிரபலங்களின் அறிமுகம் கிடைக்கும். கைமாற்றாக கொடுத்த பணம் இப்போது வரும். தங்க ஆபரணங்கள் சேரும். புதிய சொத்து வாங்குவீர்கள். சொந்த பந்தங்களின் ஆதரவு பெருகும்.
குரு பகவான் 5-ம் இடத்தைப் பார்வையிடுவதால், குழந்தை பாக்கியம் கிடைக் கும். பிள்ளைகளால் சொந்த பந்தங்கள் மத்தியில் பெருமையடைவீர்கள். வட்டிக்கு வாங்கிய கடனை கொஞ்சம் கொஞ்சமாக தந்து முடிப்பீர்கள். எடுத்த காரியங்களில் முதல் முயற்சியிலேயே வெற்றி கிட்டும். வாகன வசதி பெருகும். குல தெய்வப் பிரார்த்தனைகளை நிறைவேற்றுவீர்கள்.
குரு பகவானின் நட்சத்திர சஞ்சாரம்:
உங்களின் தன - பூர்வ புண்யாதி பதியுமான குருபகவான் தனது நட்சத்தி ரத்தில் 02.06.26 முதல் 18.06.26 வரை பயணம் செய்வதால் குடும்பத்தில் மகிழ்ச்சி பொங்கும். அரசாங்க வேலைகள் முடிவுக்கு வரும்.
சுகாதிபதியான சனி பகவானின் நட்சத்திரத்தில் 18.06.26 முதல் 19.08.26 வரை குரு பகவான் பயணம் செய்வதால் மனக் குழப்பங்கள் நீங்கும். குடும்ப வருமானம் உயரும். வருங்காலத்துக்கான முக்கிய முடிவுகள் எடுப்பீர்கள். சிலர் இடவசதியுள்ள வீட்டுக்கு மாறுவீர்கள். இளைய சகோதரிக்கு திருமணம் கூடி வரும். புது வாகனத்தில் வலம் வருவீர்கள்.
அஷ்டம - லாபாதிபதியுமான புதனின் நட்சத்திரத்தில் 19.08.26 முதல் 31.10.26 வரை மற்றும் 25.01.27 முதல் 26.06.27 வரை குருபகவான் பயணம் செய்வதால் வெளிநாட்டுப் பயணங்கள் தேடி வரும். சிலருக்கு அயல்நாட்டில் பணிபுரிய வாய்ப்பு அமையும். யாருக்காகவும் சாட்சி கையெழுத்திட வேண்டாம். இரவு நேர பயணங்களை தவிர்த்து விடுங்கள்.
கேதுவின் நட்சத்திரத்தில் 31.10.26 முதல் 25.01.27 வரை குரு பகவான் செல்வதால் மறைமுக எதிர்ப்புகள் வரும். பணிச்சுமை அதிகரிக்கும். கையிருப்பு கரையக்கூடும். செலவுகளை கட்டுப்படுத்துங்கள்.
வியாபாரம், உத்தியோகம்: வியாபாரத்தில் பெரிய முதலீடுகளைப் போட்டு லாபம் ஈட்டுவீர்கள். உங்களின் வியாபார யுக்திக்கு ஈடு கொடுக்க முடியாமல் போட்டியாளர்கள் திணறுவார்கள். வேலையாட்களின் தொந்தரவு குறையும். ரியல் எஸ்டேட், ஹோட்டல், கட்டிட உதிரிபாகங்கள், இரும்பு வகைகளால் ஆதாயம் அடைவீர்கள். அயல்நாட்டு தொடர்புடைய நிறுவனத்துடன் ஒப்பந்தம் செய்து கொள்வீர்கள்.
உத்தியோகத்தில் மேலதிகாரி உங்களைப் பெருமையாகப் பேசும் அளவுக்கு நடந்து கொள்வீர்கள். வேலைச்சுமை கொஞ்சம் அதிகமாகத்தான் இருக்கும். அடுத்தவர் பிரச்சினையில் தலையிடாமல் இருப்பது நல்லது. யாரைப் பற்றியும் தலைமையிடத்தில் புகார் கூற வேண்டாம். கணினி துறையினருக்கு வெளிநாட்டு நிர்வாகத்தில் இருந்து வாய்ப்புகள் வரும். கலைஞர்கள் விமர்சனங்களைக் கடந்து சென்று முன்னேறுவார்கள். மூத்த கலைஞர்களிடம் மனஸ்தாபங்கள் வரக்கூடும். முடிந்த அளவு விட்டுக் கொடுத்துப் போகவும். புது வாய்ப்புகள் தேடி வரும். இந்த குருப் பெயர்ச்சி புது அணுகு முறையால் புதுமை படைக்கும் காலமாக அமையும்.
குரு பகவான் பரிகார தலங்கள்:
புதுக்கோட்டை- ஆலங்குடி சாலையில் 7 கி.மீ தொலைவில் உள்ள அரங்குளநாதர் கோயில் தட்சிணாமூர்த்தியை வணங்குங்கள். பார்வையற்றவர்களுக்கு உதவுங்கள். விருப்பங்கள் யாவும் நிறைவேறும்.
ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.