ரஷ்யாவைச் சேர்ந்தவர் ஆண்ட்ரே எரேமீவ். இவரது நீண்ட நாள் கனவு, தன்னுடைய சமையலறை குழாயில் பியர் வரவழைக்க வேண்டும் என்பது. தன்னுடைய யோசனையைப் பலரிடம் சொன்னபோது எல்லோரும் சிரித்துவிட்டனர். ஒருநாள் அவரது குடியிருப்பின் தரைத் தளத்தில் பியர் கடை வந்தது. கடை உரிமையாளரைச் சந்தித்து தன்னுடைய ஆசையை வெளிப்படுத்தினார் ஆண்ட்ரே. முதலில் கடைக்காரர் இதைக் கண்டுகொள்ளவில்லை. ஆனால் அடிக்கடி ஆண்ட்ரே சொல்வதைக் கேட்ட பிறகு, சம்மதம் தெரிவித்தார். அரசாங்க அனுமதியைப் பெற்றார். ‘‘ரஷ்யாவிலேயே சொந்தமாக பியர் பைப் லைன் வைத்திருப்பவன் நான்தான் என்று நினைக்கிறேன். நான் எதிர்பார்த்ததைவிட எல்லா வேலைகளும் மிக எளிமையாக முடிந்தன. கடையில் இருந்து மெல்லிய குழாயை என் சமையலறையில் இணைத்தேன். ஒரு குழாயில் சுடு தண்ணீர். இன்னொரு குழாயில் குளிர்ந்த நீர். மூன்றாவது குழாயில் ஜில்லென்ற பியர். நினைத்த நேரத்தில் புத்தம் புது பியரைப் பருக முடிகிறது. என்னுடைய கனவு நிஜமாகிவிட்டது. இதைவிட வேறு என்ன வேண்டும் எனக்கு?’’ என்கிறார் ஆண்ட்ரே. இதற்கான செலவை மட்டும் ஒருவரிடமும் அவர் பகிர்ந்துகொள்ளவில்லை. ஆனால் செலவு செய்ததற்கு ஏற்ற பலனை அனுபவித்து வருவதாகச் சொல்லி வருகிறார் ஆண்ட்ரே!
இந்த விஷயம் மட்டும் நம்ம ஆட்களுக்குத் தெரிஞ்சிடவே கூடாது…
பிரிட்டனைச் சேர்ந்த டேனியல் பென்னாக், தினமும் உருளைக்கிழங்கு சிப்ஸும் சாசேஜும்தான் இரவு உணவாக எடுத்துக்கொள்கிறார். 26 வயது டேனியல், 22 வருடங்களாக இந்த உணவு பழக்கத்தைக் கடைபிடித்து வருகிறார். இந்தப் பழக்கத்தை மாற்றுவதற்கு எத்தனையோ தடவை அவரது வீட்டில் முயற்சி செய்தும் பலன் இல்லை. ஏதோ சாப்பிட்டால் சரி என்று விட்டுவிட்டனர். ஆனால் இன்று டேனியலுக்கு உணவே ஒரு பெரிய பிரச்சினையாக உருவெடுத்திருக்கிறது. 4 வயதில் இரவு உணவாக எதையும் சாப்பிட மறுத்து வந்தார் டேனியல். அவரது அம்மா, உருளைக்கிழங்கு சிப்ஸையும் சாசேஜையும் கொடுத்து சாப்பிடச் சொன்னார். அன்றிலிருந்து இன்று வரை அதையே தொடர்ந்து வருகிறார் டேனியல். ‘’நான் இதுவரை காய்கறிகளைச் சாப்பிட்டதே இல்லை. அவை எப்படி இருக்கும் என்றே தெரியாது. வாழைப்பழங்களும் ஆப்பிள்களும் சாப்பிட்டுப் பார்த்திருக்கிறேன். ஆனால் அவற்றைச் சாப்பிட்டால் என் உடல்நிலை மோசமாகிவிடும். ’’ என்கிறார் டேனியல். சமீபத்தில் மருத்துவப் பரிசோதனை செய்தபோது, டேனியலுக்குக் குறிப்பிட்ட உணவுகளைச் சாப்பிடும் குறைபாடு இருப்பது தெரியவந்தது. இந்தக் குறைபாடு உள்ளவர்கள் தாங்கள் விரும்பும் உணவு மட்டுமே பாதுகாப்பானது என்று நினைப்பார்கள். மற்றவை எல்லாம் உடலுக்குத் தீங்கானது என்று கருதுவார்கள். குழந்தையாக இருக்கும்போதே இந்தக் குறைபாட்டைப் படிப்படியாகச் சரிசெய்து இருக்கலாம் என்கிறார்கள் மருத்துவர்கள்.
ஐயோ, பாவம் டேனியல்…
முக்கிய செய்திகள்
கல்வி
3 hours ago
ஜோதிடம்
2 hours ago
ஜோதிடம்
3 hours ago
விளையாட்டு
9 hours ago
தமிழகம்
9 hours ago
சினிமா
10 hours ago
தொழில்நுட்பம்
10 hours ago
தமிழகம்
10 hours ago
சுற்றுச்சூழல்
10 hours ago
விளையாட்டு
10 hours ago
தமிழகம்
10 hours ago
தமிழகம்
11 hours ago