இன்று என்ன நாள்?- பெண்களுக்காக மருத்துவரான ஐடா

அமெரிக்காவைச் சேர்ந்தவர் ஐடா சோபியா ஸ்கடர். 1870-ம் ஆண்டு டிசம்பர் 9-ம் தேதி பிறந்தவர். இவரது பெற்றோர் ராணிபேட்டையில் தங்கி மருத்துவம் பார்த்து வந்தனர். ஆனால், ஆண்களிடம் பிரசவம் பார்க்க பெண்கள் மறுத்த காலம் அது. அதனால் 3 பெண்கள் பிரசவத்தின் போது இறந்ததைப் பார்த்து, இந்தியப் பெண்களுக்காகவே மருத்துவம் படித்தார்.

அதன்பின், 1900-ம் ஆண்டு பெண்களுக்கான மேரி டேபர் ஷெல் நினைவு மருத்துவமனையைத் தொடங்கினார். பின்னர் 1908-க்குப் பிறகு செவிலியர் பயிற்சி பள்ளியைத் தொடங்கினார். பெண்களுக்கென ஒரு மருத்துவக் கல்லூரி தொடங்கவேண்டு என்ற ஐடாவின் எண்ணத்தை, தென்னிந்திய மிஷனரி மன்றம் ஏற்றுக்கொண்டது. அப்படி தொடங்கப்பட்ட யூனியன் மருத்துவப் பள்ளி, கிறிஸ்தவ மருத்துவக் கல்லூரியாக (சிஎம்சி) தரம் உயர்த்தப்பட்டது.