நீங்க ‘பாஸ்' ஆக வேண்டுமா? - 46: நல்ல கடனை கையாள்வது எப்படி?

கடந்த அத்தியாயத்தில் நல்ல கடன், கெட்ட கடன் குறித்து பார்த்தோம். இந்த அத்தியாயத்தில் நல்ல கடனை புத்திசாலித்தனமாக அணுகுவது குறித்து பார்ப்போம். நல்ல கடன் நமக்கு நன்மை பயப்பவை என்றாலும் அளவுக்கு மீறினால் கெடுதலை உருவாக்கி விடும். அளவுக்கு மிஞ்சினால் அமிர்தமும் நஞ்சு அல்லவா?

நமது மாத வருமானத்தில் அனைத்து வகையான செலவுகள் 60 சதவீதம் போய்விடும். மீதமிருக்கும் தொகையை கடனை அடைப்பதற்கும் சேமிப்புக்கும் பயன்படுத்த வேண்டும். மொத்த கடனுக்கும் நாம் கட்ட வேண்டிய இ.எம்.ஐ. தொகை மொத்த வருமானத்தில் 30% க்கு குறைவாக இருக்க வேண்டும். அந்த தொகையின் அடிப்படையிலே எவ்வளவு கடன் வாங்க வேண்டும் என தீர்மானிக்க வேண்டும்.