டெல்லி சபாநாயகராக ராம் நிவாஸ் 2-வது முறையாக தேர்வு

டெல்லி சட்டப்பேரவையில் உள்ள 70 தொகுதிக் கான பொதுத் தேர்தல் பிப்ரவரி 8-ம் தேதி நடைபெற்றது. இதில் ஆம் ஆத்மி கட்சி 62 இடங்களை கைப்பற்றியது.

இதனையடுத்து, ஆம் ஆத்மியின் தலைவர் அர்விந்த் கேஜ்ரிவால் 3-வது முறையாக டெல்லி முதல்வராக பிப்.16-ம் தேதி பதவியேற்று கொண்டார். இதனைத்தொடர்ந்து, 7-வது டெல்லி சட்டப்பேரவை அமைக்கப்பட்டு, ஆம் ஆத்மி கட்சியின் எம்எல்ஏக்கள் ஒருமனதாக ராம் நிவாஸ் கோயலை சபாநாயகராக தேர்வு செய்துள்ளனர். ராம் நிவாஸ்தான் கடந்த முறையும் டெல்லி சட்டப்பேரவையின் சபாநாயகராக பதவி வகித்தார்.