தெற்காசிய விளையாட்டு போட்டி இந்தியாவுக்கு முதலிடம்

தெற்காசிய விளையாட்டு போட்டியில் இந்தியா முதலிடத்தைப் பிடித்தது.

இந்தியா, பாகிஸ்தான், வங்கதேசம், நேபாளம் உள்ளிட்ட தெற்காசிய நாடுகள் பங்கேற்ற தெற்காசிய விளையாட்டுப் போட்டி நேபாளத்தில் நடைபெற்றது. கடந்த 1-ம் தேதி தொடங்கிய இப்போட்டியில் இந்திய அணி 300-க்கும் மேற்பட்ட பதக்கங்களை வென்று முதல் இடத்தைப் பிடித்தது. நேபாள அணி 2-வது இடத்தையும், இலங்கை அணி 3-வது இடத்தையும் பிடித்தது.

ஆண்களுக்கான 49 கிலோ எடைப்பிரிவு குத்துச்சண்டை போட்டியில் இந்தியாவின் தன்வர் வினோத் தங்கப் பதக்கம் வென்றார். இதேபோல் ஆண்களுக்கான 56 கிலோ எடைப்பிரிவு குத்துச்சண்டையில் சச்சினும், 75 கிலோ எடைப்பிரிவில் அங்கீத் கதாவும் தங்கப் பதக்கங்களை வென்றனர்.