கீழடியில் 6-வது கட்டமாக அகழாய்வு

திருப்புவனம்

சிவகங்கை மாவட்டம், திருப்புவனம் அருகேயுள்ள கீழடியில் மத்திய தொல்லியல் துறை கடந்த 2015-ம் ஆண்டு அகழாய்வு மேற்கொண்டது. இதுவரை 5 கட்ட அகழாய்வு நடந்துள்ளது.

இதில், சுடுமண் சிற்பங்கள், இரும்பு பொருட்கள், செப்பு, வெள்ளி காசுகள், தண்ணீர் குவளை, சூதுபவளம், எழுத்தாணி உட்பட 750-க்கும் மேற்பட்ட பொருட்கள் கிடைத்துள்ளன. தற்போது தொல்பொருட்களை ஆவணப்படுத்தும் பணியில் அதிகாரிகள் ஈடுபட்டுள்ளனர்.

தொடர்ந்து 6-வது கட்ட அகழாய்வு கீழடி மற்றும் கொந்தகை, அகரம், மணலூர் ஆகிய இடங்களில் விரைவில் தொடங்குகிறது. 4-வது கட்ட அகழாய்வின் முடிவின்படி, கீழடி நகர நாகரிகம் 2,600 ஆண்டுகள் பழமையானது என தெரியவந்துள்ளது.

இதனால் கீழடி அகழாய்வு மீதான ஆர்வம் பொது மக்கள், தொல்லியல் ஆர்வலர்கள் இடையே அதிகரித்துள்ளது.