பிப்

பிப்.26: மிகவும் பிற்படுத்தப் பட்டோருக்கு வழங்கப்பட்டுவந்த 20 சதவீத இட ஒதுக்கீட்டிலிருந்து வன்னியர்களுக்கு 10.5 சதவீதம் உள் இடஒதுக்கீடு வழங்கும் மசோதா தமிழக சட்டப்பேரவையில் நிறைவேறியது.

பிப்.27: திருவள்ளூர் பல்கலைக் கழகத்தின் ஆளுகையிலிருந்து பிரிக்கப்பட்டு டாக்டர் ஜெ.ஜெயலலிதா பல்கலைக்கழகம் விழுப்புரத்தில் திறக்கப்பட்டது.

பிப்.28: பிரேசிலின் அமேசானியா உள்பட 19 செயற்கைக்கோள்களுடன் ஹரிகோட்டா சதிஷ் தவான் ஏவுதளத்திலிருந்து பி.எஸ்.எல்.வி. 51 ராக்கெட்டை இஸ்ரோ வெற்றிகரமாக ஏவியது.

மார்ச் 2: தமிழக பசுமை இயக்கத் தலைவரும் சூழலியல் செயற்பாட்டளருமான ஈரோட்டைச் சேர்ந்த டாக்டர் வெ. ஜீவானந்தம் காலமானார். மார்க்சியம், காந்தியம் சார்ந்து இயங்கிவந்த அவர் தமிழகத்தின் முக்கிய மொழிபெயர்ப்பாளர்களில் ஒருவர்.

மார்ச் 4: ஆண்டிகுவாவில் இலங்கைக்கு எதிராக நடைபெற்ற டி20 கிரிக்கெட் போட்டியில் வெஸ்ட் இண்டீஸ் கேப்டன் கிரண் பொல்லார்ட் 6 பந்துகளில் 6 சிக்ஸர் விளாசினார். இதன்மூலம் டி20 கிரிக்கெட்டில் ஒரே ஓவரில் 6 சிக்ஸர் விளாசிய மூன்றாவது வீரரானார்.

மார்ச் 5: மத்திய குடியிருப்பு மற்றும் ஊரக விவகாரத் துறை அமைச்சகம் நடத்திய ஆய்வில் மக்கள் வாழ எளிதான நகரங்களின் பட்டியலில் சென்னை நான்காம் இடத்தைப் பிடித்தது. முதலிடத்தை பெங்களூரு பிடித்தது.

மார்ச் 5: ஓடிடி தளங்களில் வெளியாகும் திரைப்படங்கள், தொலைக்காட்சி தொடர்கள் ஆபாசம் நிறைந்ததாக உள்ளது எனவும் இதைக் கட்டுப்படுத்த வேண்டியது அவசியம் எனவும் உச்ச நீதிமன்றம் கருத்து தெரிவித்தது.