ஒகேனக்கல் காவிரியில் நீர்வரத்து 1000 கனஅடியாக சரிவு :

தருமபுரி மாவட்டம் ஒகேனக்கல் காவிரியாற்றில் நீர்வரத்து 1000 கனஅடியாக குறைந்தது.

ஒகேனக்கல் காவிரியாற்றில் கடந்த 2-ம் தேதி விநாடிக்கு 700 கனஅடி என்ற அளவில் நீர்வரத்து இருந்தது. அது நேற்று முன் தினம் விநாடிக்கு 1200 கனஅடி என்ற அளவுக்கு உயர்ந்தது.

ஆனால், நேற்று காலை அளவீட்டு நிலவரப்படி விநாடிக்கு 1000 கனஅடியாக நீர்வரத்து குறைந்தது. ஒகேனக்கல் சுற்று வட்டாரப் பகுதிகளில் வனத்தில் அவ்வப்போது பெய்துவரும் மழை காரணமாக நீர்வரத்து அளவில் சிறு ஏற்ற, இறக்கங்கள் நிலவி வருகிறது.