தமிழகம் முழுவதும் நியாய விலைக்கடைகள் காலை 9 முதல் 12.30 வரையும், பிற்பகல் 2 முதல் 5 மணிவரையும் செயல்படும் என உணவுத்துறை அறிவித்துள்ளது.
தமிழகத்தில் முழு ஊரடங்கு அமல்படுத்தப்பட்டுள்ள நிலையில், காலை 8 முதல் 12 மணிவரை நியாய விலைக் கடைகள் செயல்படும் என அறிவிக்கப்பட்டிருந்தது. இந்நிலையில் நேற்று முதல் தளர்வுகள் அளிக்க ப்பட்டுள்ளதால், நியாயவிலைக் கடைகள் இயங்கும் நேரம் மாற்றப்பட்டுள்ளது.
இதுகுறித்து உணவுப்பொருள் வழங்கல் ஆணையர், அனைத்து மாவட்ட ஆட்சியர்கள், சென்னை துணை ஆணையர்களுக்கு அனுப்பிய சுற்றறிக்கையில், ‘‘தமிழகத்தில் தளர்வுகளுடன் கூடிய ஊரடங்கு வரும் ஜூன் 14-ம் தேதி வரை நடை முறைப்படுத்தப்பட்டுள்ளது. அதன்படி, காய்கறி, மளிகைக் கடைகள் மற்றும் அத்தியாவசியப் பொருட்கள் விற்பனை நிலையங்கள் காலை 6 முதல் மாலை 5 மணிவரை செயல்பட அனுமதிக்கப்பட்டுள்ளது. இந்தச் சூழலில் நியாயவிலைக்கடைகள், அனைத்து மாவட்டங்களிலும் காலை 9 மணி முதல் பகல் 12.30 மணிவரையும், பிற்பகல் 2 மணி முதல் மாலை 5 மணிவரையும் செயல்படும். இந்த வேலை நேரம் மறு உத்தரவு வரும் வரை நடைமுறையில் இருக்கும்.
மேலும், கரோனா நிவார ணத்தின் 2-ம் தவணை தொகை ரூ.2,000 மற்றும் 14 பொருட்கள் அடங்கிய மளிகைப்பொருள் தொகுப்பு ஆகியவை வரும் ஜூன் 15-ம் தேதி முதல் அரிசி குடும்ப அட்டைதாரர்கள் பெற்றுச் செல்ல அனுமதிக்கப்பட்டுள்ளது. இதற்காக, வரும் ஜூன் 11 முதல் 14-ம் தேதிவரை கடை பணியா ளர்கள் வீடு, வீடாக சென்று அரிசி அட்டைதாரர்களுக்கு டோக்கன் வழங்க வேண்டும். அதே நேரம் ஜூன் 11 முதல் 14 வரை காலை நேரத்தில் அத்தியாவசியப் பொருட்களை வழக்கம் போல் குடும்ப அட்டைதாரர்களுக்கு விநியோகிக்க வேண்டும்” என தெரிவிக்கப்பட்டுள்ளது.
முக்கிய செய்திகள்
சினிமா
17 mins ago
இந்தியா
58 mins ago
தமிழகம்
1 hour ago
விளையாட்டு
2 hours ago
இந்தியா
2 hours ago
இந்தியா
2 hours ago
தமிழகம்
2 hours ago
வாழ்வியல்
3 hours ago
தமிழகம்
3 hours ago
ஆன்மிகம்
2 hours ago
கருத்துப் பேழை
3 hours ago
விளையாட்டு
3 hours ago