கும்மிடிப்பூண்டி மூர்மார்க்கெட் ரயில் சேவை ரத்து

தெற்கு ரயில்வே நேற்று வெளியிட்டுள்ள செய்திக்குறிப்பில் கூறியிருப்பதாவது:

சென்னை கூடூர் மார்க்கத்தில் எண்ணூர் மீஞ்சூர் ரயில் நிலையங்கள் இடையே பராமரிப்பு பணிகள் ஏப்ரல் 1-ம் தேதி (நேற்று) தொடங்கி 6-ம் தேதி வரை நடக்கிறது. இப்பணிகள் நள்ளிரவு 12.20 மணி முதல் அதிகாலை 5 மணி வரையில் நடக்க உள்ளன.

எனவே, மூர்மார்க்கெட் வளாகத்தில் இருந்து நள்ளிரவு 12.15 மணிக்கு புறப்பட்டு கும்மிடிப்பூண்டி செல்லும் மின்சார ரயில் சேவையும், கும்மிடிப்பூண்டியில் இருந்து அதிகாலை 2.45 மணிக்கு புறப்பட்டு மூர்மார்க்கெட் வரும் மின்சார ரயில் சேவையும் ரத்து செய்யப்படுகிறது.