சென்னை எழும்பூர் யார்டில் பராமரிப்பு மற்றும் தரம் உயர்த்தும் பணி நடப்பதால், நெல்லை, பொதிகை விரைவு ரயில்கள் அக்.9 முதல் டிச.7 வரை தாம்பரம் வரை மட்டுமே இயக்கப்படும் என அறிவிக்கப்பட்டுள்ளது.
இதுதொடர்பாக தெற்கு ரயில்வே நேற்று வெளியிட்டுள்ள செய்திக்குறிப்பு:
திருநெல்வேலி - சென்னை எழும்பூர் இடையே இயக்கப்படும் நெல்லை விரைவு ரயில் (12632) மற்றும் செங்கோட்டை - சென்னை எழும்பூர் பொதிகை விரைவு ரயில் (12662) ஆகியவை வரும் 9-ம் தேதி முதல் டிசம்பர் 7-ம் தேதி வரை தாம்பரம் வரை மட்டுமே இயக்கப் படும். அதேபோல், விழுப்புரம் - தாம்பரம் பயணிகள் ரயில் (56060) வரும் 10-ம் தேதி முதல் டிசம்பர் 8-ம் தேதி வரை செங்கல்பட்டு வரை மட்டுமே இயக்கப்படும்.
சென்னை எழும்பூர் - திருநெல் வேலி நெல்லை விரைவு ரயில் (12631), சென்னை எழும்பூர் - செங்கோட்டை பொதிகை விரைவு ரயில் (12261) வரும் 10-ம் தேதி முதல் டிசம்பர் 7-ம் தேதி வரையில் தாம்பரத்தில் இருந்து புறப்படும்.
கயா - சென்னை எழும்பூர் வாராந்திர விரைவு ரயில் (12389) வரும் 13, 20, 27 நவம்பர் 3, 10, 17, 24, டிசம்பர் 1-ம் தேதிகளில் சென்னை எழும்பூருக்குப் பதில் சென்னை சென்ட்ரல் (எம்ஜிஆர்) நிலையத்துக்கு இயக்கப்படும். சென்னை எழும்பூர் - கயா வாராந்திர விரைவு ரயில் (12390) வரும் 15, 22, 29, நவம்பர் 5, 12, 19, 26, டிசம்பர் 3-ம் தேதிகளில் சென்னை எழும்பூருக்குப் பதில் சென்னை சென்ட்ரலில் இருந்து காலை 7.25 மணிக்கு புறப்படும்.
ரயில் சேவையில் பல்வேறு மாற்றம் செய்யப்பட்டுள்ளதால், பயணிகளின் வசதிக்காக செங்கல் பட்டில் இருந்து தாம்பரத்துக்கு வரும் 10-ம் தேதி முதல் டிச. 8-ம் தேதி வரை காலை 9.15 மணிக்கு சிறப்பு ரயில் இயக்கப்படும். இவ்வாறு அதில் கூறப்பட்டுள்ளது.
பயணிகள் கோரிக்கை
பயணிகள் சிலர் கூறுகையில், ‘‘தீபாவளி போன்ற பண்டிகை நாட்கள் வரவுள்ளதால் ஆவடி, கும்மிடிப்பூண்டி மற்றும் வட சென்னை பகுதிகளில் வசிக் கும் மக்கள் நெல்லை மற்றும் பொதிகை விரைவு ரயில்கள் பயணம் செய்வ தற்கு வசதியாக, ஆவடி, கும்மிடிப் பூண்டியில் இருந்து தாம்பரத்துக்கு நேரடி மின்சார சிறப்பு ரயில்களை இயக்க வேண்டும்’’ என்றனர்.
முக்கிய செய்திகள்
தமிழகம்
1 hour ago
விளையாட்டு
1 hour ago
தமிழகம்
2 hours ago
ஓடிடி களம்
2 hours ago
இந்தியா
2 hours ago
இந்தியா
3 hours ago
கருத்துப் பேழை
3 hours ago
தமிழகம்
3 hours ago
தமிழகம்
4 hours ago
சினிமா
4 hours ago
தமிழகம்
4 hours ago
இந்தியா
4 hours ago