அதிமுக அரசியல்! - பிப்ரவரி 12ம் தேதி ஓபிஎஸ் இல்லத்தில் நடைபெற்றவை

* நேற்று ஞாயிற்றுக்கிழமை என்பதால் சென்னை ஆர்.ஏ.புரம், பசுமை வழிச்சாலை யில் உள்ள ஓ.பன்னீர்செல்வம் இல்ல நுழைவாயில் முன்பு காலை 8 மணி முதலே பொதுமக்கள், தொண்டர்கள், நிர்வாகிகள் குவியத் தொடங் கினர். காலை 10 மணிக்குமேல் தொண்டர்கள் உள்ளே அனுமதிக்கப்பட்டனர்.

* ஓபிஎஸ்-க்கு ஆதரவு தெரிவிக்க வந்த தொண்டர் கள், பொதுமக்கள் அவருக்கு சால்வை அணிவித்தும், கைகுலுக்கியும், மலர்கொத்து கள் வழங்கியும் வாழ்த்து தெரிவித்தனர்.

* பொதுமக்கள் தங்கள் குழந்தை களுடன் வந்து முதல்வர் ஓ.பன்னீர்செல்வத்தை சந் தித்து வாழ்த்து தெரிவித்து சென்றனர். பூந்தமல்லியை சேர்ந்த 75 வயதாகும் ஆயுர்வேத மருத்துவர், தன் மகளுடன் வந்து பல மணி நேரம் காத்திருந்து பார்த்து சென்றார்.

* வெளிநாடுகளிலிருந்தும் சிலர் முதல்வரை பார்த்து வாழ்த்து தெரிவித்து வருகின்றனர். லண்டனில் இருந்து வந்த இளைஞர் ஒருவர், முதல்வரை நேரில் சந்தித்து அவரிடம் சந்தனமாலையை அளித்து வாழ்த்து தெரிவித்தார்.

* ஜெயலலிதாவின் போயஸ் தோட்ட வீட்டை நினைவு இல்ல மாக மாற்ற வேண்டும் என்ற கோரிக்கையை வைத்து கையெழுத்து இயக்கம் நேற்று முன்தினம் தொடங்கப்பட்டது. இதற்காக 10 இடங்களில் பேனர்கள் வைக்கப்பட்டிருந் தன. அவற்றில், ஆயிரக் கணக்கானவர்கள் ஆதரவு கையெழுத்திட்டனர்.

* தொண்டர்களின் வசதிக்காக ஓ.பன்னீர்செல்வத்தின் வீட்டு வாசலில் பந்தல் போடப் பட்டிருந்தது. அங்கு வீட்டினுள் நடைபெறும் நிகழ்வுகளை காண பெரிய திரை வைக்கப்பட்டிருந்தது.

* தொண்டர்கள், பொதுமக்கள் மற்றும் பாதுகாப்புப் பணியில் ஈடுபட்டிருந்த போலீஸாருக்கு தேவையான உணவு, குடிநீர் போன்றவை வழங்கப்பட்டன.

* சென்னை மாவட்ட கூட்டுறவு ஒன்றியத்தின் தலைவர் கொளத்தூர் கிருஷ்ணமூர்த்தி தலைமையில் கொளத்தூர் முதல் ஆர்.ஏ.புரம் வரை 200-க் கும் மேற்பட்ட ஆட்டோக்களில் பேரணியாக வந்த மக்கள், ஓபிஎஸ்-க்கு ஆதரவு தெரிவித் தனர்.

* முதல்வர் வீட்டருகில், தற்போது 10க்கும் மேற்பட்ட சிறுகடைகள் முளைத்துள்ளன. சுண்டல், வேர்க்கடலை, வறுத்த வேர் கடலை கடைகள், முன்னாள் முதல்வர்கள் எம்ஜிஆர், ஜெய லலிதா படங்கள், ஸ்டிக்கர்கள் விற்கும் கடை, அதிமுக துண்டு விற்கும் கடையும் தற்போது முளைத்துள்ளது.