தமிழகத்தின் உள் மாவட்டங்களில் வெப்பம் அதிகரிக்கும்

சென்னை: சென்னை வானிலை ஆய்வு மையம் வெளியிட்ட செய்திக்குறிப்பு: தமிழகத்தில் ஓரிரு இடங்களில் இன்னும் 4 நாட்களுக்கு (ஏப்.29 வரை) வெப்பநிலை வழக்கத்தைவிட 7 டிகிரி ஃபாரன்ஹீட் வரை அதிகரிக்கக்கூடும். உள் மாவட்டங்களின் சமவெளி பகுதிகளில் ஒருசில இடங்களில் 106 டிகிரி ஃபாரன்ஹீட் வரை பதிவாகலாம்.

சென்னை, புறநகரில் வெப்பநிலை 79 டிகிரி முதல் 99 டிகிரி ஃபாரன்ஹீட் வரை இருக்கும். இன்று முதல் 28-ம் தேதி வரை குமரி, நெல்லை மாவட்டங்கள், மேற்கு தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், திருப்பூர், தென்காசி, விருதுநகர் மாவட்டங்களில் ஓரிரு இடங்களில் லேசான மழை பெய்யக்கூடும்.