சாதனை: செயற்கைக் கால்களும் எவரெஸ்ட்டைத் தொடும்!

நேபாளத்தைச் சேர்ந்த ஹரி புதாமகர் எவரெஸ்ட்டில் ஏறி, உலக சாதனை படைத்திருக்கிறார். இவருக்கு இரண்டு கால்களும் இல்லை. 8,848.86 மீட்டரைச் செயற்கைக் கால்களின் உதவியோடு கடந்து எவரெஸ்ட்டைத் தொட்டிருக்கிறார்.

2010ஆம் ஆண்டு இங்கிலாந்து ராணுவத்துக்காக ஆப்கானிஸ்தான் போரில் பங்கேற்றார். அப்போது தாலிபன்களின் சக்தி வாய்ந்த குண்டு வெடிப்பில் இரு கால்களையும் இழந்தார். ஓராண்டு சிகிச்சைக்குப் பிறகு பாராலிம்பிக் போட்டிகளில் பங்கேற்க ஆரம்பித்தார்.