வீட்டைப் பலவிதமாக அலங்கரிப்பதில் நமக்குப் பிரியம் அதிகம். வீட்டின் வரவேற்பறை, படுக்கையறை, உணவு உண்ணும் அறை போன்றவற்றிற்குப் பிரத்யேகமான அறைக்கலன்களை நன்கு விசாரித்து வாங்கி, அந்தந்த அறைகளில் அலங்காரமாக அவற்றை இடம்பெறச் செய்வோம்.
நாள் முழுவதும் உழைத்துவிட்டு வீட்டிற்கு வந்து ஓய்வெடுக்கப் பயன்படுவது நமது வீட்டின் படுக்கை அறை. ஆகவே படுக்கை அறையின் விஷயத்தில் கவனத்துடன் இருந்தால் பிற அலுவல்களை நம்மால் சுறுசுறுப்பாகக் கவனிக்க இயலும்.
படுக்கை அறையின் சுவர்களில் மென்மையான உணர்வுகளைத் தரும் சுவரோவியங்களைத் தீட்டி வைக்கலாம். சிறு குழந்தைகள் உள்ள வீடென்றால் அவற்களது கிறுக்கல்களைக் கூட அழகிய சட்டமிட்டு மாட்டிவைக்கலாம்.
மனதுக்கு அவை இதமாக அமையும். படுக்கையறையின் விளக்குகள் மெலிதான வெளிச்சத்தை எப்போதும் வழங்க வேண்டும். வழக்கத்திற்கு அதிகமான கண்களைக் கூசச் செய்யும் விளக்குகளை மாட்டுவதைத் தவிர்க்க வேண்டும்.
படுக்கை அறை எப்போதும் சுத்தமாக இருப்பது மிகவும் அவசியம். படுக்கையறையில் ஓய்வெடுக்க வரும்போது அதன் சூழலே நமது மனத்திற்கு உகந்ததாகப் பார்த்துக்கொள்ள வேண்டும். கட்டிலின் மீது விரிக்கும் படுக்கை விரிப்புகளும் தலையணைகளும் விதவிதமான வண்ணங்களில் வசீகரமான விதத்தில் அமைந்தால் மனதுக்கு ரம்மியமாக இருக்கும்.
அழகிய ஓவியங்களும் சித்திரங்களும் வரையப்பட்ட தலையணை உறைகளையும் படுக்கைவிரிப்புகளையும் நாம் பராமரித்தால் அவை நமது ஓய்வு நேரத்தைச் சிறப்பாக்கும். சித்திர வேலைப்பாடுகளுடன் கூடிய படுக்கை நேர்த்தியாக அமையப்பெற்றிருந்தால் படுக்கையில் சாய்வதே பரவசமான அனுபவமாக மாறும். படுக்கை விரிப்புகள் நமது தட்பவெப்ப நிலைக்கு உகந்த வகையில் அமைந்திருக்க வேண்டும்.
படுக்கை விரிப்புகளும் தலையணைகளும் அவற்றின் உறைகளும் எப்போதும் சுத்தமான நிலையில் பராமரிக்கப்படுவதால் நமது ஆரோக்கியம் பேணப்படும். எனவே அதுவிஷயத்தில் கறார் தன்மையுடன் நடந்துகொள்ள வேண்டும். மழைக் காலத்தில் இந்த விஷயத்தில் முன் ஜாக்கிரதையுடன் செயல்பட வேண்டும்.
எப்போதும் தயார் நிலையில் சுத்தமான படுக்கை விரிப்புகள் கைவசம் இருக்க வேண்டும். சுத்த விஷயத்தில் சுணக்கம் காட்டினால் நமது சுகாதாரம் பாதிக்கப்பட்டுவிடும் என்பதை நினைவில்கொள்ள வேண்டும்.
முக்கிய செய்திகள்
இந்தியா
2 mins ago
தமிழகம்
15 mins ago
உலகம்
26 mins ago
உலகம்
35 mins ago
தமிழகம்
44 mins ago
இந்தியா
40 mins ago
க்ரைம்
1 hour ago
தமிழகம்
1 hour ago
தமிழகம்
1 hour ago
தமிழகம்
1 hour ago
விளையாட்டு
1 hour ago
தமிழகம்
1 hour ago