பெண்ணெழுத்து 2023 | யதார்த்தத்தை எழுதும் பெண்கள்

எழுத்தாளர் என்கிற சொல் இரு பாலருக்குமானது என்கிற தெளிவை ஏற்படுத்தவே நமக்குப் பல ஆண்டுகள் தேவைப்பட்டன. அந்தத் தெளிவை ஏற்படுத்தியும்கூட ‘எழுத்தாளன்’ என்று வலிந்து சொல்லிக்கொள்வோர், பெண்களைப் படைப்பாளிகளாகக் கருதுவதே இல்லை.

தான் செயல்படும் படைப்புத் துறையில் தனக்கெனத் தனித்த அடையாளப் பெயரைப் பெறுவதிலேயே பெண்ணுக்கு இவ்வளவு சிக்கல் என்றால் பெண்களது படைப்புகளுக்குக் கிடைக்கும் வரவேற்பு குறித்துச் சொல்லவே தேவையில்லை. இதில், ‘பெண்’ என்பதே ஒரு எழுத்தாளருக்குப் போதுமானது என்பது போன்ற பொன்னில் பொறிக்க வேண்டிய வாக்குகளையும் கேட்க வேண்டிய நிலையில் நாம் இருக்கிறோம்.