டாக்டர் பதில்கள் 20: பின்னோக்கி நடக்கலாமா?

‘கிளைசிமிக் இன்டெக்ஸ்’ (Glycaemic index) என்றால் என்ன, டாக்டர்? - குமாரவேல், குடியாத்தம்.

சுருக்கமாகச் சொன்னால் ரத்தத்தில் உள்ள சர்க்கரை அளவை ஓர் உணவு எந்த வேகத்தில் அதிகப்படுத்துகிறது என்பதை அறிய உதவும் ஓர் அளவீட்டு முறையே ‘கிளைசிமிக் இன்டெக்ஸ்’. தமிழில், ‘ரத்தச் சர்க்கரையை உயர்த்தும் அளவு’ எனலாம். நாம் பல வகை உணவைச் சாப்பிடுகிறோம். உணவின் அளவு ஒன்றுபோலிருந்தாலும், உணவின் தன்மையைப் பொறுத்து அது ரத்தத்தில் குளுக்கோஸை அதிகப்படுத்துகிற ஆற்றல் வேறுபடுகிறது.