தமிழ் தெரியாதவர்களும் தமிழைப் படிக்கலாம்!

இலங்கை, சிங்கப்பூர், மலேசியா, பிரிட்டன், அமெரிக்கா, நியூசிலாந்து, ஆஸ்திரேலியா போன்று உலகின் பல்வேறு நாடுகளிலும் தமிழர்கள் வசிக்கிறார்கள். அவர்களுக்குத் தமிழ் மொழி மீது ஆர்வம் இருக்கிறது. ஆனால், பேசவோ எழுதவோ தெரியாது. தமிழ் பேசுபவர்களுக்கும்கூட எழுத, படிக்கத் தெரியாது.

ஆனால், எப்படியாவது தமிழைக் கற்றுக்கொள்ள வேண்டும், கற்றுக்கொடுக்க வேண்டும் என்று நினைக்கிறார்கள். அப்படித்தான் அமெரிக்காவில் வசிக்கும் பெர்சிஸ், தன் மூன்று வயது மகளுக்குத் தமிழ் கற்றுக்கொடுக்க புத்தகங்களைத் தேடினார். கிடைக்கவில்லை. அப்போதுதான் எந்த நாட்டுத் தமிழர்களும் பயன்படுத்தும் விதத்தில் தமிழில் புத்தகங்களைக் கொண்டுவரும் எண்ணம் உருவானது என்கிறார்.