சென்னை செஸ் ஒலிம்பியாட் 2022: இந்தியாவின் பெருமிதம்!

வேட்டி, சட்டை அணிந்த ‘தம்பி’ என்கிற குதிரை சின்னம் சென்னை முழுவதும் காணப்படுகிறது. நேப்பியர் பாலம் கறுப்பு - வெள்ளைக் கட்டங்களால் வசீகரிக்கிறது.

சென்னை மட்டுமல்லாமல் இந்தியாவே விழாக்கோலம் பூண்டிருப்பதற்குக் காரணம், 44ஆவது செஸ் ஒலிம்பியாட் சென்னையில் நாளை தொடங்குகிறது. ஜூலை 28 முதல் ஆகஸ்ட் 10 வரை நடைபெறவிருக்கும் இந்தப் போட்டிகளில் 187 நாடுகளைச் சேர்ந்த, 343 அணிகள் பங்கேற்கின்றன.