இளைஞர்களின் தொண்டுப் பயணம் தெரியுமா?

சுற்றுலா என்றாலே அனைவருக்கும் கொண்டாட்டம்தான். தனிப்பயணமோ குழுப்பயணமோ எப்போதும் பயணங்கள் தரும் அனுபவங்கள் அலாதியானவை. எதிலும் புதுமையைப் புகுத்தும் இன்றைய தலைமுறையினர் பயணத்திலும் ஒரு புதிய முறையைப் புகுத்திவருகிறார்கள். அது, ‘Voluntourism’ எனப்படும் ‘தொண்டுப் பயணம்!’

அதென்ன தொண்டுப் பயணம்? - பட்ஜெட் போடாமல் யாரும் பயணத்தை மேற்கொள்ள முடியாது. பட்ஜெட்டுக்கு ஏற்ற பயணத்தை அமைத்துக்கொள்வதுதான் இந்தியர் களின் பழக்கம். அந்த வகையில் பட்ஜெட் பயணங்களைப் போலவே சில இளைஞர்கள் தொண்டுப் பயணத்தை அமைத்துக்கொள்கிறார்கள்.