இசை உலகம்: மீண்டும் கேட்குமா பிடிஎஸ்ஸின் சங்கீதம்?

உலகில் சென்ற வாரம் என்னவெல்லாமோ நடந்துள்ளது. எதெல்லாமோ நடக்காமலும் போயுள்ளது. ஆனால், பிடிஎஸ் ஆர்மிக்கு அவை எதுவும் முக்கியமல்ல. அவர்களது பிரியத்துக்குரிய பிடிஎஸ் (BTS - Bulletproof Boy Scouts) இசைக் குழு கலைக்கப்பட்டுவிட்டது. இது மட்டும்தான் அவர்களுடைய கவலை.

ஜூன் 12, 2013இல் தென்கொரியாவைச் சேர்ந்த இந்த இசைக் குழு தனது பயணத்தைத் தொடங்கியது. ‘இனி கனவுகள் இல்லை’ (No More Dream) என்னும் தலைப்பிலான இந்தக் குழுவின் பாடல்தான் இவர்களுடைய முதல் இசைப் படைப்பு.