பிரம்மதேசம்: ஒரே வளாகத்தில் ஐந்து சிவாலயங்கள்!

ஒரே வளாகத்தில் முழுமையான கோயில் அமைப்பில் ஐந்து சிவாலயங்களை உருவாக்கி யுள்ளனர் என்பதைக் கேட்பதற்கே ஆச்சரியமாக இருக்கிறது அல்லவா!

திருநெல்வேலி மாவட்டத்தில் கடனா நதிக்கரையில் அமைந்துள்ள அற்புதமான திருத்தலம் பிரம்ம தேசம். சிவன் கோயிலுக்குத் தானமாக விடப்படும் நிலங்கள் தேவதானம் என்கிற பெயரிலும், இறைவனுக்குப் பூசை செய்யும் வேதியர்க்குக் கொடுக்கப்படும் நிலதானம் பிரம்மதேயம் என்றும் அழைக்கப்படுவது மரபு.