நியூஸிலாந்துக்கு எதிராக கொல்கத்தாவில் நடைபெற உள்ள 2-வது டெஸ்ட் போட்டியிலும் இந்திய அணி வெற்றி பெற்றால் ஐசிசி தரவரிசை பட்டியலில் மீண்டும் முதலிடத்தை பிடிக்கும் என தகவல்கள் வெளியாகி உள்ளது.
நியூஸிலாந்துக்கு எதிராக கான்பூரில் நடைபெற்ற முதல் டெஸ்டில் இந்திய அணி 197 ரன்கள் வித்தியாசத்தில் அபார வெற்றி பெற்றது. இந்தப் போட்டி இந்திய அணிக்கு 500-வது போட்டியாகவும் அமைந்தது. வரலாற்றுச் சிறப்பு வாய்ந்த இந்தப் போட்டியில் வெற்றிப் பெற்ற இந்திய அணி 3 போட்டிகள் கொண்ட தொடரில் 1-0 என முன்னிலை வகிக்கிறது.
இந்திய அணி மேலும் ஒரு வெற்றியை பெறும் பட்சத்தில், தரவரிசை பட்டியலில் பாகிஸ் தானை பின்னுக்கு தள்ளி முதலிடத்தை பிடிக்கும். தற்போது இரு அணிகளுக்கும் ஒரே ஒரு புள்ளி வித்தியாசம் மட்டுமே உள்ளது. பாகிஸ்தான் 111 புள்ளிகளுடனும், இந்தியா 110 புள்ளிகளுடனும் முதல் இரு இடங்களில் உள்ளன என்பது குறிப்பிடத்தக்கது.
கொல்கத்தாவில் வரும் 30-ம் தேதி நடைபெற உள்ள நியூஸி லாந்துக்கு எதிரான 2-வது டெஸ்டில் இந்திய அணி வெற்றியை வசப்படுத்தினால் தொடரை கைப்பற்றுவதுடன் மீண்டும் முதலிட அந்தஸ்தை பெறலாம்.
கான்பூர் டெஸ்டில் 10 விக்கெட்கள் வீழ்த்திய இந்திய சுழற்பந்து வீச்சாளர் அஸ்வின், ஐசிசி டெஸ்ட் பந்து வீச்சாளர்கள் பட்டியலில் ஒரு இடம் முன்னேறி 2-வது இடத்தை பிடித்துள்ளார். அவர் தற்போது 871 புள்ளிகளுடன் உள்ளார்.இந்த பட்டியலில் முதலிடத்தில் உள்ள ஸ்டெயினை விட 7 புள்ளிகள் பின்தங்கிய நிலையில் அஸ்வின் இருக்கிறார். நியூஸிலாந்துக்கு எதிராக 2-வது டெஸ்ட் போட்டி யிலும் அவர் அதிக விக்கெட்கள் கைப்பற்றும் பட்சத்தில் தரவரிசைப் பட்டியலில் மீண்டும் முதலிடத்தை பிடிக்க வாய்ப்புள்ளது.
கடைசியாக அஸ்வின் கடந்த ஆண்டு 'பாக்ஸிங் டே' டெஸ்ட் போட்டியில் முதலிடத்தை பிடித்திருந்தார்.
பேட்ஸ்மேன்கள் தரவரிசைப் பட்டியலில் நியூஸிலாந்து கேப்டன் வில்லியம்சன் ஒரு இடம் முன்னேறி 2-வது இடத்தை கைப்பற்றியுள் ளார். அவர் 879 புள்ளிகளுடன் உள்ளார். ஆஸ்திரேலியாவின் ஸ்டீவ் ஸ்மித் 906 புள்ளிகளுடன் முதலிடத்திலும், இங்கிலாந்தின் ஜோ ரூட் 878 புள்ளிகளுடன் 3-வது இடத்திலும் உள்ளனர்.
இந்தியாவுக்கு எதிரான கடைசி இரு டெஸ்ட் போட்டிகளிலும் வில் லியம்சன் வலுவான ஆட்டத்தை வெளிப்படுத்தினால் மட்டுமே ஸ்மித்திடம் இருந்து முதலிடத்தை பறிக்க முடியும். ஆல்ரவுண்டர்கள் தரவரிசைப் பட்டியலில் 450 புள்ளிகளுடன் அஸ்வின் முதலிடத்தை தக்கவைத்துக் கொண்டுள்ளார்.
கான்பூர் டெஸ்டில் இரு இன்னிங்ஸிலும் 100 ரன்களுக்கு மேல் பார்ட்னர்ஷிப் கொடுத்த முரளி விஜய், புஜாரா ஆகியோரும் பேட்ஸ்மேன்கள் தரவரிசைப் பட்டியலில் முன்னேற்றம் கண்டுள் ளனர். இருவருமே 20-வது இடத்தில் இருந்து தலா 695 புள்ளிகளுடன் 16-வது இடத்தை பிடித்துள்ளனர்.
முக்கிய செய்திகள்
இந்தியா
10 mins ago
இந்தியா
1 hour ago
விளையாட்டு
2 hours ago
கல்வி
2 hours ago
தமிழகம்
2 hours ago
கல்வி
2 hours ago
தமிழகம்
3 hours ago
தமிழகம்
3 hours ago
சினிமா
3 hours ago
சினிமா
3 hours ago
சுற்றுச்சூழல்
3 hours ago
சினிமா
3 hours ago