சென்னை: இளநிலை மருத்துவப் படிப்புகளுக்கான நீட் தேர்வில், தமிழக மாணவர்களின் தேர்ச்சி விகிதம் கடந்த இரண்டு ஆண்டுகளைவிட இந்த ஆண்டு குறைந்துள்ளது. இதனால், அகில இந்திய அளவில் 23-வது இடத்திலிருந்து 28-வது இடத்திற்கு பின்னடைந்துள்ளது.
எம்பிபிஎஸ், பிடிஎஸ் உள்ளிட்ட இளநிலை மருத்துவப் படிப்புகளுக்கு தேசிய தகுதி மற்றும் நுழைவுத் தேர்வு (நீட்) அடிப்படையில் மாணவர் சேர்க்கை நடத்தப்படுகிறது. இந்த தேர்வை தேசிய தேர்வு முகமை (என்டிஏ) ஆண்டுதோறும் நடத்தி வருகிறது. அதன்படி, நடப்பாண்டுக்கான நீட் தேர்வு, நாடு முழுவதும் 497 நகரங்களில் அமைக்கப்பட்ட 3,570 மையங்களில் கடந்த ஜூலை 17-ம் தேதி நடந்தது. இந்த தேர்வை 17.78 லட்சம் மாணவ, மாணவிகள் எழுதினர். இதில், 9.03 லட்சம் பேர் மருத்துவப் படிப்பில் சேர தகுதி பெற்றுள்ளனர்.
தமிழகத்தைப் பொறுத்தவரை, கடந்த 2020-ம் ஆண்டு தேர்வெழுதியவர்களில் 57.44 சதவீதத்தினர் தேர்ச்சிப் பெற்றிருந்தனர். கடந்த 2021-ம் ஆண்டில், 1 லட்சத்து 8 ஆயிரம் பேர் தேர்வெழுதினர். இதில், 54.40 சதவீதம் பேர் தேர்ச்சிப் பெற்றனர். நடப்பாண்டில் தமிழக மாணவர்களின் தேர்ச்சி விகிதம் இன்னும் குறைந்துள்ளது. தேர்வெழுதிய 1 லட்சத்து 34 ஆயிரம் மாணவ மாணவிகளில் 51.30 சதவீதம் பேர் மட்டுமே தேர்ச்சிப் பெற்றுள்ளனர்.
இந்த தேர்ச்சி விகித குறைவின் காரணமாக அகில இந்திய அளவில் 23-வது இடத்தில் இருந்த தமிழ்நாடு தற்போது 28-வது இடத்துக்கு பின்னுக்குத் தள்ளப்பட்டுள்ளது.
முக்கிய செய்திகள்
விளையாட்டு
3 hours ago
வணிகம்
4 hours ago
விளையாட்டு
5 hours ago
தொழில்நுட்பம்
6 hours ago
சினிமா
7 hours ago
க்ரைம்
7 hours ago
விளையாட்டு
7 hours ago
தமிழகம்
7 hours ago
தமிழகம்
8 hours ago
தமிழகம்
8 hours ago
இந்தியா
8 hours ago
க்ரைம்
8 hours ago