'சார்லி' தமிழ் ரீமேக்கில் துல்கர் சல்மான் வேடத்தில் மாதவன் நடிக்க, இயக்குநர் விஜய் இயக்க ஒப்பந்தமாகி இருக்கிறார். நவம்பரில் படப்பிடிப்பு துவங்குகிறது.
2015-ம் ஆண்டின் கிறிஸ்துமஸ் விடுமுறையைக் கணக்கில் கொண்டு கேரளாவில் வெளியான மலையாளப் படம் 'சார்லி'. துல்கர் சல்மான், பார்வதி மேனன், அபர்ணா கோபிநாத், நெடுமுடி வேணு உள்ளிட்ட பலர் நடித்திருக்கும் இப்படத்தை மார்டின் ப்ராகாட் இயக்கினார். ஃபைண்டிங் சினிமா என்ற தயாரிப்பு நிறுவனம் தயாரித்தது.
மலையாளத்தில் இப்படத்துக்கு இளைஞர்கள் மத்தியிலும், விமர்சகர்கள் மத்தியிலும் பெரும் வரவேற்பு கிடைத்தது. வசூலையும் வாரிக் குவித்தது. இப்படத்தின் ரீமேக் உரிமையை, இந்தி திரையுலகில் பிரபல நிறுவனமான பிரமோத் பிலிம்ஸ் கைப்பற்றியது. துல்கர் சல்மான் வேடத்தில் நடிக்க தமிழ் திரையுலகின் முன்னணி நடிகர்களிடம் பேச்சுவார்த்தை நடத்தி வருகிறது.
தற்போது துல்கர் சல்மான் வேடத்தில் மாதவன் நடிப்பது உறுதியாகி இருக்கிறது. இப்படத்தை இயக்குநர் விஜய் இயக்க ஒப்பந்தமாகி இருக்கிறார். விஜய் இயக்கி வரும் 'தேவி' படத்தைத் தொடர்ந்து ஜெயம் ரவி இயக்கும் படத்தை இயக்க இருக்கிறார். அப்படத்தை முடித்துவிட்டு 'சார்லி' ரீமேக்கை இயக்குவார் விஜய். நவம்பர் 15-ம் தேதி முதல் படப்பிடிப்பை துவங்க திட்டமிட்டு இருக்கிறார்கள்.
முக்கிய செய்திகள்
கல்வி
1 hour ago
ஜோதிடம்
2 hours ago
ஜோதிடம்
2 hours ago
தமிழகம்
8 hours ago
சினிமா
8 hours ago
சுற்றுச்சூழல்
9 hours ago
உலகம்
9 hours ago
வாழ்வியல்
10 hours ago
விளையாட்டு
11 hours ago
விளையாட்டு
12 hours ago
தமிழகம்
12 hours ago
தமிழகம்
12 hours ago