சென்னை: தனுஷ் நடிக்கும் இளையராஜாவின் பயோபிக்கை கனெக்ட் மீடியா தயாரிக்க இருப்பதாக தகவல் வெளியாகியுள்ளது.
நடிகர் தனுஷ், ‘கேப்டன் மில்லர்’ படத்தை அடுத்து தனது 50-வது படத்தை இயக்கி நடித்து வருகிறார். சன் பிக்சர்ஸ் தயாரிக்கும் இதில் அபர்ணா பாலமுரளி, சந்தீப் கிஷண்,காளிதாஸ் ஜெயராம், துஷாரா விஜயன் உட்பட பலர் நடிக்கின்றனர்.
இந்தப் படத்தை அடுத்து, சேகர் கம்முலா, இந்தி இயக்குநர் ஆனந்த் எல்.ராய் இயக்கும் படங்களில் நடிக்க இருக்கிறார். இந்நிலையில் இளையராஜா பயோபிக்கில் அவர் நடிக்க இருப்பதாகவும் செய்திகள் வெளியாகி வந்தன.
பிரபல இந்தி திரைப்பட இயக்குநர் ஆர்.பால்கி, “தனுஷ் நடிப்பில், இளையராஜா வாழ்க்கைக் கதையைப் படமாக எடுக்க வேண்டும் என்பது என் கனவு. கடந்த மூன்று தலைமுறைகளாக இசை அமைத்து வரும் இசை அமைப்பாளர் அவர். இளையராஜாவின் வாழ்க்கைக் கதையைத் திரைப்படமாக எடுத்தால் அதற்கு தனுஷ் தான் பொருத்தமானவராக இருப்பார்” என்று சில மாதங்களுக்கு முன் கூறியிருந்தார்.
இந்நிலையில் இளையராஜாவின் ‘பயோபிக்’ படத்தை கனெக்ட் மீடியாவும், மெர்குரியும் இணைந்து தயாரிக்க இருப்பதாகச் செய்திகள் வெளியாகியுள்ளன. இதன் படப்பிடிப்பு அக்டோபர் 2024 இல் தொடங்க உள்ளது. 2025 ஆம் ஆண்டின் நடுப்பகுதியில் இத்திரைப்படம் வெளியிட திட்டமிடப்பட்டுள்ளது.
முக்கிய செய்திகள்
தமிழகம்
2 mins ago
இணைப்பிதழ்கள்
5 hours ago
கருத்துப் பேழை
4 hours ago
தொழில்நுட்பம்
12 mins ago
உலகம்
26 mins ago
தமிழகம்
35 mins ago
விளையாட்டு
20 mins ago
இந்தியா
46 mins ago
இந்தியா
1 hour ago
ஆன்மிகம்
1 hour ago
இந்தியா
1 hour ago
உலகம்
1 hour ago