இவரைத் தெரியுமா?- பிரமோத் சக்சேனா

ஆக்ஸிஜன் சர்வீஸஸ் இந்தியா நிறுவனத்தின் தலைவர் மற்றும் நிர்வாக இயக்குநர். 2004-ம் ஆண்டிலிருந்து இந்தப் பொறுப்பில் இருந்து வருகிறார்.

தொடர் தொழில் முனைவோராகவும் உள்ளார். 2013-ம் ஆண்டு எம்பவர் சாப்ட்காம் நிறுவனத்தைத் தொடங்கியவர். கோரஸ் கால் கான்பரன்சிஸ் சர்வீசஸ் என்ற நிறுவனத்தையும் தொடங்கியவர்.

2010-ம் ஆண்டு முதல் கிரீன் கிராமின் மைக்ரோபைனான்ஸ் என்ற நிறுவனத்தைத் தொடங்கி அதன் தலைவராகவும் இருந்து வருகிறார்.

1998-ம் ஆண்டு முதல் 2004-ம் ஆண்டு வரை மோட்டோரோலா இந்தியா நிறுவனத்தின் தலைவர் பொறுப்பிலும், 1989-ம் ஆண்டு முதல் 1998-ம் ஆண்டு வரை எஸ்ஸார் குழும தொலைத்தொடர்பு தொழிலின் தலைமைச் செயல் அதிகாரி பொறுப்பிலும் இருந்தவர்.

தொலைத்தொடர்பு, ரசாயனப் பொறியியல் துறைகளில் 30 ஆண்டுகளுக்கும் மேலான அனுபவம் கொண்டவர்.

ரூர்கியில் உள்ள இந்திய தொழில்நுட்ப கழகத்தில் ரசாயனப் பொறியியல் பிரிவில் பட்டம் பெற்றவர்.