ராஜிவ் மிட்டல் - இவரைத் தெரியுமா?

$ சென்னையைத் தலைமையிடமாகக் கொண்டு செயல்படும் நீர் சுத்திகரிப்பு நிறுவனமான வா டெக் வபாக் நிறுவனத்தின் நிர்வாக இயக்குநர் மற்றும் தலைமைச் செயல் அதிகாரி.

$ தன்னுடைய நிறுவனத்துக்காக (வபாக் ) இந்திய பிரிவை அமைப்பதற்காக 1996-ம் ஆண்டு லண்டனிலிருந்து இந்தியாவுக்கு வந்தார்.

$ 2004-ம் ஆண்டு அந்த நிறுவனம் சிக்கலில் இருந்ததால் நிறுவனத்தின் செயல் இயக்குநர்கள் மற்றும் வென்ச்சர் கேபிடல் நிறுவனங்களின் உதவியுடன் அந்த நிறுவனத்தின் 75% பங்குகளை வாங்கினார்.

$ சில ஆண்டுகளுக்கு பிறகு லாபமீட்டி இந்த நிறுவனத்தை 2010-ம் ஆண்டு பட்டியலிடச் செய்தார். இப்போது இவரது நிறுவனம் கடனில்லாத ஒரு நிறுவனம்.

$ பாம்பே பல்கலைக்கழகத்தில் கெமிக்கல் இன்ஜினீயரிங் முடித்தவர். ஹிந்துஸ்தான் டார் ஆலிவர், லார்ஜ் பிரவுன் உள்ளிட்ட நிறுவனங்களில் வேலை பார்த்தவர். நீர் மேலாண்மை சுத்திகரிப்புப் பிரிவில் 26 வருட அனுபவம் மிக்கவர்.