இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: வெளிவட்டாரத்தில் அந்தஸ்து உயரும். அதிரடியான திட்டங்கள் தீட்டுவீர்கள். குடும்பத்தினர் உங்கள் ஆலோசனையை ஏற்றுக் கொள்வார்கள். பணவரவு திருப்தி தரும்.

ரிஷபம்: புது முடிவுகள் எடுப்பீர்கள். புதியவரின் நட்பால் உற்சாகமடைவீர்கள். கணவன் - மனைவிக்குள் அன்யோன்யம் அதிகரிக்கும்-. உடல் நலம் சீராகும். பங்கு வர்த்தகம் லாபம் தரும்.

மிதுனம்: விமர்சனங்களைக் கண்டு அஞ்சாதீர்கள். உதவி செய்வதாக வாக்கு கொடுத்தவர்கள் சிலர் இழுத்தடிப்பார்கள். அடுத்தவர் விவகாரங்களில் தலையிட வேண்டாம்.

கடகம்: சில காரியங்களை அலைந்து, திரிந்து முடிக்க வேண்டி வரும். பழைய கடனைத் தீர்க்க முயற்சி செய்வீர்கள். நயமாகப் பேசுபவர்களை நம்பி ஏமாந்து விடாதீர்கள்.

சிம்மம்: தவறு செய்பவர்களை தட்டிக் கேட்பீர்கள். பிள்ளைகளால் உறவினர்கள், நண்பர்கள் மத்தியில் பெருமையடைவீர்கள். சேமிக்க வேண்டுமென்ற எண்ணம் வரும்.

கன்னி: எதிர்பார்ப்புகள் நிறைவேறும். உடன்பிறந்தவர்கள் உறுதுணையாக இருப்பார்கள். பிரியமானவர்களுக்காக சிலவற்றை விட்டுக் கொடுப்பீர்கள். வீடு வாங்குவது குறித்து ஆலோசிப்பீர்கள்.

துலாம்: நீண்டகால பிரச்சினைகளுக்கு மாறுபட்ட அணுகுமுறையால் தீர்வு காண்பீர்கள். வீடு, வாகனத்தை சீர் செய்வீர்கள். பால்ய நண்பரை எதிர்பாராது சந்தித்து மகிழ்வீர்கள்.

விருச்சிகம்: புதிய முயற்சிகள் தள்ளிப் போய் முடியும். சிலரின் தவறான செயல்களை எண்ணி வருந்துவீர்கள். உடல் உஷ்ணத்தால் சில அவஸ்தைகள் ஏற்படக் கூடும்.

தனுசு: கேட்ட இடத்தில் பணம் கிடைக்கும். நண்பர்கள் தக்க சமயத்தில் உதவுவார்கள். சகோதரர் வகையில் ஒற்றுமை பிறக்கும். நிலம் தொடர்பான பிரச்சினைக்கு முடிவு ஏற்படும்.

மகரம்: உறவினர், நண்பர்களுடன் மனம்விட்டுப் பேசி மகிழ்வீர்கள். அரசு காரியங்களில் இருந்துவந்த இழுபறி நிலை மாறும். ஆன்மிகப் பயணம் செல்ல திட்டமிடுவீர்கள்.

கும்பம்: நிர்வாகத் திறமை வெளிப்படும். நினைத்த காரியங்கள் உடனுக்குடன் நிறைவேறும். உங்களைச் சுற்றியிருப்பவர்களில் நல்லவர்கள் யார் என்பதை கண்டறிவீர்கள்.

மீனம்: கடின உழைப்பால் இலக்கை எட்டிப் பிடிப்பீர்கள். தாயாரின் உடல்நலத்தில் கவனம் தேவை. வெளியூரில் இருந்து எதிர்பார்த்த செய்தி வரும். கலைப்பொருட்கள் சேரும்.