இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திருமணம், சீமந்தம் போன்ற சுபச் செலவுகள் அடுத்தடுத்து ஏற்படும். விருந்தினர் வருகையால் வீட்டில் மகிழ்ச்சி உண்டு. பேச்சில் நிதானத்தைக் கடைபிடிப்பது அவசியம்.

ரிஷபம்: வங்கிக் கடன் கிடைக்கும். ஆடை, ஆபரணங்கள் வாங்கி மகிழ்வீர்கள். உறவினர்கள், நண்பர்கள் உங்களின் பெருந்தன்மையை புரிந்து கொள்வார்கள். பங்கு வர்த்தகம் லாபம் தரும்.

மிதுனம்: மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் மகிழ்ச்சியான சூழ்நிலை நிலவும். பிள்ளைகளின் நட்பு வட்டம் விரியும். வாகனம் செலவு வைக்கும்.

கடகம்: வெளிவட்டாரத்தில் செல்வாக்கு கூடும். மகனுக்கு வெளிநாடு தொடர்புடைய நிறுவனத்தில் வேலை கிடைக்கக் கூடும். சகோதரி உங்கள் வேலைகளை பகிர்ந்து கொள்வார்.

சிம்மம்: எதிர்மறை விமர்சனங்களும், தாழ்வுமனப்பான்மையும் வந்து போகும். பணம், நகையை கவனமாக கையாளுங்கள். முக்கிய காரியங்களில் நிதானமுடன் செயல்படுவது நல்லது.

கன்னி: மனோபலம் அதிகரிக்கும். கேட்ட இடத்தில் பண உதவி கிடைக்கும். வீடு, வாகன பராமரிப்பை மேற்கொள்வீர்கள். அடகு வைத்திருந்த நகையை மீட்பீர்கள். திடீர் பயணம் உண்டு.

துலாம்: பழைய நிலத்தை விற்று புது வீடு வாங்குவீர்கள். இழுபறியாக இருந்துவந்த வழக்கில் வெற்றி பெறுவீர்கள். மூத்த சகோதரர் வகையில் உதவி, ஆலோசனை கிடைக்கும்.

விருச்சிகம்: வீட்டை விரிவுபடுத்த திட்டமிடுவீர்கள். சிலர் வீடு மாறுவீர்கள். தூரத்து உறவினர்கள் தேடி வருவார்கள். தாய்மாமன் வகையில் எதிர்பார்த்த உதவிகள் கிடைக்கும்.

தனுசு: பிள்ளைகள் கேட்டதை வாங்கித் தருவீர்கள். பூர்வீக சொத்தை மாற்றுவீர்கள். தாயாரின் ஆரோக்கியத்தில் கூடுதல் கவனம் செலுத்துவது அவசியம். அயல்நாடு செல்ல விசா கிடைக்கும்.

மகரம்: வீடு கட்ட அரசு அனுமதி கிட்டும். உறவினர்கள், நண்பர்கள் உங்களின் நல்ல மனதை புரிந்து கொண்டு வலிய வந்து உதவுவார்கள். தாயாரின் உடல் நலம் சீராகும். பணவரவு உண்டு.

கும்பம்: வீடு, மனை வாங்கும் யோகம் கூடி வரும். பணப்புழக்கம் கணிசமாக அதிகரிக்கும். குடும்பத்தில் குழப்பம் நீங்கி ஒற்றுமை பிறக்கும். சாமர்த்தியமாக பேசி காரியங்களை சாதிப்பீர்கள்.

மீனம்: யாரையும் அநாவசியமாக பகைத்துக் கொள்ளாதீர்கள். வீண் சந்தேகம், தாழ்வு மனப்பான்மை வந்து நீங்கும். யாருக்காகவும் சாட்சி கையெழுத்திடவோ, உத்தரவாதம் தரவோ வேண்டாம்.