இந்திய கிரிக்கெட் ஜாம்பவானான சச்சின் டெண்டுகல்கரின் மகனும் கிரிக்கெட் வீரருமான அர்ஜுன் டெண்டுல்கருக்கும், தொழில்முனைவோர் சானியா சந்தோக்கும் கடந்த ஆகஸ்ட்டில் திருமணம் நிச்சயிக்கப்பட்டது. இவர்களது திருமணம் மும்பையில் உள்ள ‘தி செயின்ட் ரெஜிஸ்' ஓட்டலில் வியாழக்கிழமை பிரம்மாண்டமாக நடைபெற்றது.
திருமண நிகழ்ச்சியில் ஐசிசி தலைவர் ஜெய் ஷா, பிசிசிஐ துணைத் தலைவர் ராஜீவ் சுக்லா, இந்திய கிரிக்கெட் அணியின் தேர்வுக் குழுத் தலைவர் அஜித் அகர்கர், தேர்வுக்குழு உறுப்பினர் பிரக்யான் ஓஜா உள்ளிட்டோர் கலந்துகொண்டனர்.
முன்னாள் கேப்டன்களான தோனி, ராகுல் திராவிட், முன்னாள் வீரர்களான ஹர்பஜன் சிங், வெங்கடேஷ் பிரசாத், முகமது கைஃப், பியூஷ் சாவ்லா, யூசுப் பதான் மற்றும் வர்ணனையாளர் ஹர்ஷா போக்லே ஆகியோரும் கலந்து கொண்டனர்.
பாலிவுட் பிரபலங்களான அமிதாப் பச்சன், அபிஷேக் பச்சன், ஐஸ்வர்யா ராய், ஷாருக்கான், ஆமீர்கான், ஆஷா போஸ்லே, சோனு நிகாம் ஆகியோர் திருமணத்தில் பங்கேற்றனர். முகேஷ் அம்பானி, அவரது மனைவி நீதா அம்பானி ஆகியோரும் மணமக்களை வாழ்த்தினர்.