பொங்கல் பண்டிகையை முன்னிட்டு மதுரை மாவட்டம் அவனியாபுரம், பாலமேடு மற்றும் அலங்காநல்லூரில் நடைபெறும் ஜல்லிக்கட்டுப் போட்டிகள் உலகப்புகழ் பெற்றவை. | படங்கள்: எஸ்.கிருஷ்ணமூர்த்தி
இந்த ஆண்டு பொங்கலை ஒட்டி முதல் ஜல்லிக்கட்டுப் போட்டி மதுரை அவனியாபுரத்தில் இன்று (ஜன. 14) காலை 6.30 மணிக்கு தொடங்கியது.
வாடிவாசலில் இருந்து சீறிப்பாய்ந்த காளைகளை மாடுபிடி வீரர்கள் உற்சாகத்துடன் அடக்கினர்.
இந்த வீர விளையாட்டுப் போட்டியை காண மதுரை மட்டுமின்றி, வெளிமாநிலங்கள், வெளிநாடுகளில் இருந்தும் ஏராளமானோர் கண்டு ரசித்தனர்.
காளைகளை அடக்கும் மாடுபிடி வீரர்கள் ஆரஞ்சு, நீலம் உள்ளிட்ட வண்ணங்களில் உடையணிந்து ஒவ்வொரு சுற்றிலும் தலா 50 வீரர்கள் என்ற கணக்கில் களமாடினர்.
ஜல்லிக்கட்டில் வாடி வாசலில் இருந்து திமிலோடும், திமிரோடும் சீறிப் பாய்ந்து வரும் காளைகளை அடக்குவதற்கு மல்லுக்கட்டிய சிறந்த மாடுபிடி வீரருக்கு கார் பரிசு வழங்கப்படுகிறது.
மாடுபிடி வீரர்களை துவம்சம் செய்து யாருக்கும் அடங்காத காளையாக அடக்கமுடியாத காளையின் உரிமையாளருக்கு டிராக்டர் பரிசு வழங்கப்படுகிறது.
மாடுபிடி வீரர்களுக்கு தங்கக் காசுகள், வெள்ளிக் காசுகள், வயர் கட்டில், அண்டாக்கள், சைக்கிள்கள், மிக்சி, பேன், கிரைண்டர், குக்கர் உள்ளிட்ட ஏராளமான பரிசு பொருட்கள் வழங்கப்படுகின்றன.
அவனியாபுரம் ஜல்லிக்கட்டில் பங்கேற்க 2,026 காளைகளும் 1,735 மாடுபிடி வீரர்கள் பதிவு செய்தனர் என்பது குறிப்பிடத்தக்கது.
வர்ணனையாளர் செங்குட்டுவன் வாடிவாசலில் இருந்து சீறும் காளைகளையும், அடக்கும் காளையர்களுக்கும் உற்சாகமூட்டும் வகையில் வார்த்தை ஜாலங்களுடன் வர்ணனை செய்வது அனைவரையும் கவர்ந்தது.
பாதுகாப்பு ஏற்பாடுகளை தென்மண்டல ஐஜி பிரேம் ஆனந்த் சின்கா, மாநகர காவல் ஆணையர் லோகநாதன் தலைமையில் 1500 போலீஸார் பாதுகாப்புப் பணியில் ஈடுபடுத்தப்பட்டனர்.