ஒரே மாதத்தில் இரண்டு முறை முழு நிலவு தென்படும் புளூ மூன் எனும் வானியல் அரிய நிகழ்வு இன்று (ஆக.30) நிகழ்ந்தது. பூமியின் துணைக்கோளான நிலா, புவியை சுற்றிவர 29.5 நாட்களாகிறது. அதற்கேற்ப ஒவ்வொரு மாதமும் ஒருமுறை முழு நிலவான பவுர்ணமியும், ஒருமுறை அமாவாசையும் வரும். ஆனால், மிகவும் அரிதாக ஒரே மாதத்தில் இருமுறை பவுர்ணமி தோன்றும். அவ்வாறு ஒரே மாதத்தில் 2 முறை முழு நிலவு தோன்றும் போது, 2-வதாக வரும் முழு நிலவை ப்ளூ மூன் (நீல நிலவு) என்று குறிப்பிடுகின்றனர். இந்த நிகழ்வு 2 அல்லது 3 ஆண்டுகளுக்கு ஒருமுறை வரும். இந்த அரிய வானியல் நிகழ்வின்போது, நிலவின் அளவு வழக்கத்தைவிட சற்று பெரியதாகவும், அழகாகவும் இருக்கும் என்பது குறிப்பிடத்தக்கது. | படங்கள்: இம்மானுவேல் யோகினி, தீபக்
