பேசும் படம்: காலத்தின் துரு ஏறாத ஆலை!

பிரான்ஸின் க்ரெய் நகரில் உள்ள ரிவியே ஆணி தொழிற்சாலை சரித்திரப் புகழ் பெற்றது. 1888-ல் தியோடர் ரிவியே என்பவரால் தொடங்கப்பட்ட இந்தத் தொழிற்சாலை, இன்று வரை தொடர்ந்து இயங்கிவருகிறது. தொடங்கிய நாள் முதல் அதே கட்டிடத்தில் இயங்கும் இந்தத் தொழிற்சாலை, 'வாழும் பாரம்பரிய நிறுவனம்' என்று பிரான்ஸ் அரசால் அறிவிக்கப்பட்ட பெருமைக்குரியது.

2,800 வகையான ஆணிகள் இங்கு தயாரிக்கப்படுகின்றன. இவற்றில் சில வகை ஆணிகள் உலகில் வேறெங்கும் கிடைக்காத வகையில் பிரத்யேகமாகத் தயாரிக்கப்படுபவை. பிரான்ஸ் மட்டுமல்லாமல், உலகெங்கும் உள்ள பெரிய தொழிற்சாலைகளில் இந்த ஆணிகள் பயன்படுத்தப்படுகின்றன. ஆணி தயாரிப்பில் மும்முரமாக ஈடுபட்டிருக்கிறார் தொழிலாளர் ஒருவர்.

படம்: ஏ.எஃப்.பி.