Published : 23 Feb 2021 16:42 pm

Updated : 23 Feb 2021 16:43 pm

 

Published : 23 Feb 2021 04:42 PM
Last Updated : 23 Feb 2021 04:43 PM

14 வயதுச் சிறுமியை மணந்த பாக். எம்.பி. - வலுக்கும் எதிர்ப்பு

pakistan-mp-marries-14-year-old-girl

பாகிஸ்தானில் ஜாமியத் உலமா-இ-இஸ்லாம் கட்சித் தலைவரும், எம்.பி.யுமான மவுலானா சலாஹுதின் அயுபீ 14 வயதுச் சிறுமியைத் திருமணம் செய்து கொண்டார். இதற்கு எதிர்ப்பு வலுத்துள்ளது.

இதுகுறித்து பாகிஸ்தானின் டான் பத்திரிகை வெளியிட்ட செய்தியில், ''பலுசிஸ்தான் மாகாணத்திலிருந்து எம்.பி.யாகத் தேர்வு செய்யப்பட்டவர் மவுலானா. இவர் ஜுகுர் பள்ளத்தாக்கைச் சேர்ந்த 14 வயதுச் சிறுமியைத் திருமணம் செய்துள்ளதாக கித்ரல் மாவட்டத்தைச் சேர்ந்த மகளிர் அமைப்பு புகார் அளித்துள்ளது.


இதனைத் தொடர்ந்து இந்த விவகாரம் வெளியுலகுக்குத் தெரியவந்துள்ளது. சம்பந்தப்பட்ட சிறுமி பள்ளியில் பயின்று வருவதால், அவர் திருமணம் செய்துகொள்ளும் வயதை அடையவில்லை. எனவே, மவுலானாவின் திருமணம் செல்லாது என்று மகளிர் அமைப்புகள் குரல் கொடுக்கத் தொடங்கியுள்ளன. இந்த நிலையில் எம்.பி. மவுலானாவின் திருமணம் தொடர்பாக போலீஸ் விசாரணை நடத்தி வருகிறது” என்று தெரிவிக்கப்பட்டுள்ளது.

இக்குற்றச்சாட்டு குறித்து மவுலானாவின் தரப்பில் இதுவரை எந்த பதிலும் அளிக்கப்படவில்லை.

பாகிஸ்தானில் 16 வயதுக்கும் குறைவான பெண்களை மணப்பது சட்டப்படி குற்றமாகும்.

தவறவிடாதீர்!


மவுலானாபாகிஸ்தான் எம்.பிமகளிர் அமைப்புகள்புகார்போலீஸார் விசாரணைOne minute newsPakistan MP Marries 14-Year-Old Girl

Sign up to receive our newsletter in your inbox every day!

You May Like

More From This Category

More From this Author

x