Published : 11 Jan 2021 11:08 am

Updated : 11 Jan 2021 11:08 am

 

Published : 11 Jan 2021 11:08 AM
Last Updated : 11 Jan 2021 11:08 AM

ரஷ்யாவில் உருமாறிய கரோனா வைரஸால் ஒருவர் பாதிப்பு

russia-confirms-first-case-of-more-infectious-covid-19-variant

ரஷ்யாவில் முதல் முறையாக உருமாற்றம் அடைந்த கரோனா வைரஸால் ஒருவர் பாதிக்கப்பட்டார்.

இதுகுறித்து ரஷ்யாவின் ஊடகங்கள் தரப்பில், ''பிரிட்டனிலிருந்து வந்த ஒருவருக்குப் புதிய வகை கரோனா வைரஸ் தொற்று இருப்பது கண்டறியப்பட்டது. ரஷ்யாவில் கண்டறியப்பட்ட முதல் உருமாற்ற கரோனா வைரஸ் பாதிப்பு இதுவாகும்'' என்று தெரிவிக்கப்பட்டுள்ளது.


இதுகுறித்த கூடுதல் தகவல் எதுவும் வெளியாகவில்லை. கடந்த மாதம்தான் பிரிட்டனிலிருந்து வரும் விமானங்களுக்கு ரஷ்யா தடை விதித்தது.

ரஷ்யாவில் கரோனா அதிகரித்து வரும் நிலையில், பிற நாடுகளுக்கு தடுப்பு மருந்தை விநியோகித்து வருகிறது. இந்த நிலையில் சொந்த நாட்டிற்கு முதலில் கரோனா தடுப்பு மருந்து உற்பத்தியை அதிகரியுங்கள் என்று மருத்துவ நிபுணர்கள் கோரிக்கை விடுத்துள்ளனர்.

ரஷ்யாவின் கமாலியா தொற்றுநோய் தடுப்பு நுண் அறிவியல் ஆய்வு நிறுவனம் ரஷ்யாவின் நேரடி முதலீட்டு நிறுவனத்துடன் இணைந்து தடுப்பு மருந்தைத் தயாரித்துள்ளது. மருந்தின் மீதான நம்பகத்தன்மையை மக்களுக்குத் தெரியப்படுத்தும் வகையில் தனது மகளுக்கே இந்த மருந்தைச் செலுத்தினார் ரஷ்ய அதிபர் புதின்.

ஆனால், ரஷ்யா கண்டுபிடித்துள்ள ஸ்புட்னிக்-5 கரோனா தடுப்பு மருந்து மீது முழுமையான நம்பிக்கை வராததால் உலக ஆய்வாளர்கள் தொடர்ந்து விமர்சித்து வந்தனர். இதனைத் தொடர்ந்து தங்கள் தடுப்பூசி மருந்தை மூன்றாம் கட்ட சோதனைகளுக்கு உட்படுத்தியுள்ளதாக ரஷ்யா தரப்பில் தெரிவிக்கப்பட்டது.

ரஷ்யாவின் ஸ்புட்னிக்-5 கரோனா தடுப்பு மருந்து 92% பயனுள்ளதாக இருப்பதாக அந்நாட்டு அரசு கடந்த மாதம் தெரிவித்தது. இதனைத் தொடர்ந்து பொதுமக்களுக்குக் கரோனா தடுப்பு மருந்தைச் செலுத்தும் நடவடிக்கையில் ரஷ்யா இறங்கியுள்ளது

தவறவிடாதீர்!


RussiaCoronaCorona virusOne minute newsVaccineரஷ்யாதடுப்பு மருந்துகரோனாஸ்புட்னிக்

Sign up to receive our newsletter in your inbox every day!

More From This Category

More From this Author

x