Published : 07 Jan 2021 20:52 pm

Updated : 07 Jan 2021 20:52 pm

 

Published : 07 Jan 2021 08:52 PM
Last Updated : 07 Jan 2021 08:52 PM

ஈரானில் கரோனா பாதிப்பு 12,68,263 ஆக அதிகரிப்பு

iran-s-health-ministry-reported-6-360-daily-covid-19-cases-on-thursday

ஈரானில் கடந்த 24 மணி நேரத்தில் 6,360 பேர் கரோனா தொற்றால் பாதிக்கப்பட்டுள்ளனர்.

இதுகுறித்து ஈரான் சுகாதாரத் துறை தரப்பில், “ஈரானில் கடந்த 24 மணி நேரத்தில் 6,360 பேர் கரோனா தொற்றால் பாதிக்கப்பட்டுள்ளனர். இதனைத் தொடர்ந்து நாடு முழுவதும் கரோனாவால் பாதிக்கப்பட்டவர்கள் எண்ணிக்கை 12,68,263 ஆக அதிகரித்துள்ளது. 10 லட்சத்துக்கும் அதிகமானோர் குணமடைந்துள்ளனர். 4 ஆயிரத்துக்கும் அதிகமானவர்கள் தீவிர சிகிச்சைப் பிரிவில் உள்ளனர்” என்று தெரிவிக்கப்பட்டுள்ளது.


ஈரானில் இதுவரை 79 லட்சத்துக்கும் அதிகமானவர்களுக்கு மருத்துவப் பரிசோதனை செய்யப்பட்டுள்ளது.

ஈரானில் தயாரிக்கப்பட்ட கரோனா தடுப்பு மருந்தை மனிதர்களுக்குச் செலுத்தும் பரிசோதனையை அந்நாட்டு அரசு கடந்த வாரம் தொடங்கியுள்ளது.

ஈரானில் சமீப நாட்களாகவே கரோனா தொற்று அதிகரித்து வருவதைத் தொடர்ந்து அங்கு பழைய கட்டுப்பாடுகள் மீண்டும் தொடங்கியுள்ளன.

பொதுமக்கள் அதிக எண்ணிக்கையில் கூடுவதற்குத் தடை விதிக்கப்பட்டுள்ளது. ஜிம், உணவகங்களையும் மூட உத்தரவிடப்பட்டுள்ளது.

மத்திய கிழக்கு நாடுகளில் ஈரானும், சவுதியும் கரோனா வைரஸால் அதிகம் பாதிக்கப்பட்டுள்ளன. 80 மில்லியன் மக்கள்தொகை கொண்ட ஈரான், கரோனா வைரஸால் கடுமையாகப் பாதிக்கப்பட்ட மத்தியக் கிழக்கு நாடாக உள்ளது.

ஈரானின் புனித நகரமான கூமிலில் பிப்ரவரி மாதத்தில் கரோனா தொற்று முதலில் உறுதி செய்யப்பட்டது. அதைத் தொடர்ந்து வடபகுதியில் உள்ள சுற்றுலா நகரமான கிலான் கடுமையான பாதிப்புக்குள்ளானது. தற்போது ஈரானின் எல்லைப் பகுதியில் கரோனா தொற்று அதிகரித்து வருகிறது.



தவறவிடாதீர்!

CoronaCorona virusOne mnute newsIranஈரான்ஹசன் ரவ்ஹானிகரோனாகரோனா வைரஸ்தடுப்பு மருந்துகள்

Sign up to receive our newsletter in your inbox every day!

More From This Category

More From this Author

x